العاش رەت قازاقستان وكىلى ب ۇ ۇ ايەلدەردى كەمسىتۋگە قارسى كوميتەتىنە مۇشە بولىپ سايلاندى

نيۋ- يورك. KAZINFORM - بىرىككەن ۇلتتار ۇيىمىنىڭ ايەلدەرگە قاتىستى كەمسىتۋشىلىكتىڭ بارلىق نىساندارىن جويۋ جونىندەگى كونۆەنتسياسىنا قاتىسۋشى مەملەكەتتەردىڭ 23- كەڭەسىندە 2025-2028 -جىلدار كەزەڭىنە ايەلدەرگە قاتىستى كەمسىتۋشىلىكتىڭ بارلىق نىساندارىن جويۋ كوميتەتى (CEDAW) مۇشەلەرىن سايلاۋ ءوتتى.

Мадина Жарбўсинова
Фото: ҚР ТИВ

العاش رەت قازاقستاننان كانديدات - بەلگىلى قازاقستاندىق ديپلومات مادينا جاربۋسىنوۆا CEDAW قۇرامىنا سايلاندى.

بۇل ماڭىزدى تاريحي وقيعا، ويتكەنى بۇعان دەيىن ب ۇ ۇ- نىڭ وسى ماڭىزدى ورگانىندا ورتالىق ازيا ەلدەرىنىڭ ەشقايسىسى ۇسىنىلماعان.

ورتالىق ازيا ەلدەرى اراسىندا قازاقستان - گەندەرلىك تەڭدىك سالاسىنداعى پروگرەسس بويىنشا كوشباسشى.

قازاقستان 146 ەل اراسىنداعى گەندەرلىك تەڭدىكتى باعالاۋ ءۇشىن ازىرلەنگەن 2023 - جىلعى جاھاندىق گەندەرلىك الشاقتىق يندەكسىندە 62-ورىنعا يە بولىپ، پوزيتسياسىن جاقسارتتى جانە 18-ورىنعا كوتەرىلدى.

قازاقستانمەن قاتار CEDAW- دا 11-ورىنعا 20 مەملەكەتتىڭ وكىلدەرى ۇمىتكەر بولدى - ومان، شۆەيتساريا، ليۆان، نيدەرلاند، گۆاتەمالا، اندوررا، اۋستراليا، نەپال، گرۋزيا، چيلي، باربادوس، ق ح ر، زيمبابۆە، بۋرۋندي، كامەرۋن، موزامبيك، سولتۇستىك ماكەدونيا، ۋرۋگۆاي، ۇلى بريتانيا جانە توگو.

ايتا كەتەيىك، ايەلدەرگە قاتىستى كەمسىتۋشىلىكتى جويۋ كوميتەتى (CEDAW) - ايەلدەرگە قاتىستى كەمسىتۋشىلىكتىڭ بارلىق نىساندارىن جويۋ تۋرالى كونۆەنتسياعا قاتىسۋشى مەملەكەتتەردىڭ ءوز مىندەتتەمەلەرىن ورىنداۋىن باقىلايتىن تاۋەلسىز ساراپشىلاردىڭ ورگانى.

كوميتەت قۇرامىنا الەمنىڭ ءتۇرلى ەلدەرىنەن كەلگەن ايەلدەر قۇقىقتارى جونىندەگى 23 ساراپشى كىرەدى. شارتقا قاتىسۋشى ەلدەر ءتورت جىلدا ءبىر رەت كوميتەتكە ءتيىستى قۇقىقتاردىڭ جۇزەگە اسىرىلۋى تۋرالى باياندامالار ۇسىنۋعا مىندەتتى.

كوميتەت ءوز سەسسيالارى كەزىندە ءاربىر قاتىسۋشى مەملەكەتتىڭ باياندامالارىن قارايدى جانە ولارعا ءوز ويلارى مەن ۇسىنىمدارىن قورىتىندى ەسكەرتۋلەر تۇرىندە باياندايدى.

قازاقستان وسى حالىقارالىق قۇجاتقا 1998 - جىلى قوسىلعان.

سوڭعى جاڭالىقتار