الاياقتار قوڭىراۋ شالعان جاعدايدا قانداي سوزدەردى ايتپاۋ كەرەك؟
استانا. KAZINFORM - قازاقستان پوليتسياسى وزدەرىن قۇقىق قورعاۋ ورگاندارى قىزمەتكەرى رەتىندە تانىستىرعان ادامدارعا «ءيا» نەمەسە «جوق» دەپ جاۋاپ بەرمەۋ كەرەكتىگىن ايتادى، - دەپ حابارلايدى Massaget.kz ءتىلشىسى.
پوليتسيا مالىمەتىنشە، الاياقتار ادامداردىڭ اقشاسىن قولدى قىلۋ ءۇشىن كۇن سايىن ءتۇرلى ايلا تاسىلدەر شىعارىپ جاتقان كورىنەدى.
«قۇرمەتتى ازاماتتار! ەگەر سىزگە قوڭىراۋ شالىپ، ءوزىن قۇقىق قورعاۋ ورگاندارى قىزمەتكەرى رەتىندە تانىستىرسا وندا مىناداي سوزدەردى، ياعني «ءيا» نەمەسە «جوق» دەگەندى ايتپاڭىز، ويتكەنى ولار مۇنى كەيىن بيومەتريا ءۇشىن قولدانۋى مۇمكىن. ەشقانداي مالىمەتتى ايتپاستان، قوڭىراۋدى ءۇزىڭىز.
ەستە ساقتاڭىز: ەگەر ناعىز قۇقىق قورعاۋ ورگاندارى قىزمەتكەرلەرى سىزگە حابارلاسقىسى كەلسە، وندا ولار رەسمي شاقىرۋ قاعازىن جىبەرەدى نەمەسە پوليتسيا بولىمشەسىنە شاقىرادى»، - دەلىنگەن پوليتسيا حابارلاماسىندا.
وسىعان دەيىن ءوزىن پوليتسيا قىزمەتكەرى رەتىندە تانىستىرعان الاياقتار سۋرەتىن جاريالادى. قۇقىق قورعاۋ ورگاندارى ەشقاشان WhatsApp مەسسەندجەرى ارقىلى نەمەسە شەتەلدىك ءنومىر ارقىلى حابارلاسپايدى.
