الداعى كۇندەرى جاۋىن-شاشىندى بولادى

بەلسەندى سيكلون قازاقستان اۋماعىنىڭ باسىم بولىگىنە اسەر ەتىپ جاتىر. الداعى كۇندەرى ەلىمىزدە اۋا رايىنىڭ تۇراقسىز سيپاتى ساقتالادى: جاڭبىر جاۋىپ، نايزاعاي وينايدى، جەل كۇشەيەدى، سونداي-اق بۇرشاق پەن داۋىل بولۋى مۇمكىن.

4-ماۋسىمدا ەلىمىزدىڭ باتىس وڭىرلەرىندە، 4-5-ماۋسىمدا سولتۇستىك-باتىس پەن سولتۇستىك ايماقتاردا، ال 6-ماۋسىمدا رەسپۋبليكانىڭ وڭتۇستىك-شىعىسىندا نوسەر جاڭبىر جاۋادى دەپ بولجانىپ وتىر. تەك قازاقستاننىڭ شىعىسى مەن وڭتۇستىگىندە جاۋىن-شاشىنسىز اۋا رايى كۇتىلەدى.

كۇندىز باتىستا، سولتۇستىك-باتىستا جانە سولتۇستىكتە اۋا تەمپەراتۋراسى 22+30+ گرادۋسقا دەيىن كوتەرىلەدى. سولتۇستىك-شىعىس پەن شىعىستا ىستىق اۋا رايى ساقتالىپ، اۋا تەمپەراتۋراسى 30+37+ گرادۋسقا دەيىن جوعارىلايدى. رەسپۋبليكانىڭ وڭتۇستىك-شىعىسىندا اپتاپ ىستىقتىڭ ازداپ باسەڭدەۋى كۇتىلەدى، مۇندا اۋا تەمپەراتۋراسى 25+33+ گرادۋس شاماسىندا بولادى.