الداعى ءۇش كۇندە اۋا تەمپەراتۋراسى 36+ گرادۋسقا دەيىن كوتەرىلەدى
استانا. KAZINFORM - «قازگيدرومەت» ر م ق 5-7-مامىر كۇندەرىنە ارنالعان اۋا رايى بولجامىن جاريالادى.
سينوپتيكتەردىڭ بولجامىنشا، قازاقستاننىڭ باسىم بولىگىندە اتموسفەرالىق فرونتتاردىڭ وتۋىنە بايلانىستى اۋا رايىنىڭ قۇبىلمالى سيپاتى ساقتالادى - جاڭبىر جاۋىپ، نايزاعاي وينايدى، كەي جەرلەردە بۇرشاق ءتۇسىپ، جەلدىڭ ەكپىنى كۇشەيۋى مۇمكىن.
- 5-مامىردا ەلدىڭ سولتۇستىگىندە، 6-7-مامىردا باتىسىندا قاتتى جاڭبىر كۇتىلەدى. رەسپۋبليكا بويىنشا باتىس وڭىرلەردە تۇنگى جانە تاڭعى ساعاتتاردا تۇمان بولجانادى، - دەلىنگەن حابارلامادا.
رەسپۋبليكا اۋماعىندا اۋا تەمپەراتۋراسىنىڭ ازداعان اۋىتقۋى كۇتىلەدى. ەلدىڭ وڭتۇستىگىندە كۇندىز تەمپەراتۋرا 22+…32+ گرادۋستان 27+…36+ گرادۋسقا دەيىن كوتەرىلەدى، ال وڭتۇستىك- شىعىستا 15+…30+ گرادۋستان 20+…35+ گرادۋسقا دەيىن جوعارىلايدى.
