پاكىستاننىڭ ەكس-پرەمەر-ءمينيسترى ەكىنشى رەت نوبەل سىيلىعىنا ۇسىنىلدى
استانا. KAZINFORM - پاكىستاننىڭ ەكس-پرەمەر-ءمينيسترى جانە وپپوزيتسيالىق «ادىلەت قوزعالىسى» پارتياسىنىڭ نەگىزىن قالاۋشى يمران حان بەيبىتشىلىك سالاسىنداعى نوبەل سىيلىعىنا ۇسىنىلدى. بۇل تۋرالى Report.az حابارلادى.
ونى پاكىستانداعى ادام قۇقىقتارى مەن دەموكراتيالىق قۇندىلىقتارعا قوسقان ۇلەسى ءۇشىن Pakistan World Alliance (PWA) قۇقىق قورعاۋ ۇيىمى ۇسىنعان.
يمران حان بۇل مارتەبەلى سىيلىققا ەكىنشى رەت ۇسىنىلىپ وتىر. 2019-جىلى ول پاكستاندا ۇندىستانمەن اسكەري شيەلەنىستى باسەڭدەتۋدەگى كۇش-جىگەرى ءۇشىن نوبەل بەيبىتشىلىك سىيلىعىنا ۇسىنىلدى جانە پاكىستان پارلامەنتىندە ونىڭ كانديداتۋراسىن قولداۋ تۋرالى قارار قابىلداندى.
الايدا حان ءوزىنىڭ نوبەل سىيلىعىنا لايىق ەمەس ەكەنىن، ونىڭ پىكىرىنشە، سىيلىق كاشمير ماسەلەسىن تۇپكىلىكتى رەتتەۋگە قول جەتكىزگەن ساياساتكەرگە بەرىلۋى ءتيىس ەكەنىن ايتتى.
ەسكە سالايىق، يمران حان 2018-2022-جىلدارى پاكىستان مينيسترلەر كابينەتىن باسقارعان.
پاكىستان پرەزيدەنتى زارداري كاراچي اۋرۋحاناسىنا جاتقىزىلدى.
