پاكىستاندا 17 جاستاعى تەننيسشى قىز جارىس كەزىندە كوز جۇمدى
استانا. KAZINFORM - پاكىستاندىق 17 جاستاعى تەننيسشى زايناب الي ناكۆي يسلامابادتاعى جاس وسپىرىمدەر اراسىندا ITF- J30 ساناتىنداعى تۋرنير كەزىندە كوز جۇمدى.
پاكىستان تەننيس فەدەراتسياسى تاراتقان مالىمەتكە قاراعاندا، دۇيسەنبى كۇنى سپورتشى قىز كورتتا جاتتىققان. ول سەيسەنبىدە ماتچ وتكىزۋى ءتيىس بولاتىن.
كەشكىسىن قىزدىڭ ءمايىتىن اجەسى قوناق ءۇي بولمەسىنەن تاپقان. مارقۇمنىڭ ءولىمى اۋرۋحانادا تىركەلدى، ول جۇرەك تالماسىنان قايتىس بولعان.
پاكىستان تەننيس فەدەراتسياسىنىڭ پرەزيدەنتى ايشام كۋرەشي ناكۆي ويناۋى ءتيىس كورتتىڭ ونىڭ ەسىمىمەن اتالاتىنىن جەتكىزدى. سونداي-اق پاكستان استاناسىندا الداعى اپتادا بولاتىن تۋرنير تەننيسشىنىڭ قۇرمەتىنە ارنالماق.
اتالمىش ITF- J30 جارىسى تەننيسشىنى ەسكە الۋ ەسەبىندە ءبىر كۇنگە توقتاتىلعان.
ەسكە سالا كەتەيىك، بۇدان بۇرىن ەلەنا رىباكينانى دوحا تۋرنيرىنىڭ شيرەك فينالىنا وتكەنىن جازعان بولاتىنبىز.
سونداي-اق الەكساندر بۋبليك جۇپتىق سىندا روتتەردام جارىسىنىڭ شيرەك فينالىنا شىقتى.
