اكىم قابىلداعان: ديماش قۇدايبەرگەن تۇركىستان وبلىسىنا باردى

استانا. قازاقپارات - قازاقتىڭ ماقتانىشىنا اينالعان ديماش قۇدايبەرگەن كيەلى تۇركىستان وڭىرىنە باردى. ءانشىنى وبلىس اكىمى قابىلداعان.

«ەلىمىزدىڭ اتىن الەمگە شىعارىپ جۇرگەن ونەر جۇلدىزىن ءوز وڭىرىمىزدە كورگەنىمە قۋانىشتىمىن. ءسىزدىڭ كەلۋىڭىز - تۋريزمنىڭ دامۋىنا سەرپىن بەرەدى. ايماقتا بىرنەشە باستاما جۇزەگە اسىرىلىپ جاتىر. سونىڭ ءبىرى - Voice of Turan قازاق اندەرىن ورىنداۋشىلاردىڭ حالىقارالىق كونكۋرسى. بيىل بەسىنشى رەت وتكىزگەلى وتىرعان كونكۋرسقا 20 مەملەكەتتىڭ ارتىستەرى قاتىسپاق» - دەدى وبلىس اكىمى دارحان ساتىبالدى.

ءوز كەزەگىندە ءانشى وبلىس باسشىسىنا العىس ءبىلدىرىپ، تۇركىستانعا دەگەن تاڭدانىسىن جەتكىزدى.

«تۇركىستاننىڭ جاڭا بەينەسىنە كوز تويمايدى. ءبارى ۇنادى. حالىقتىڭ وسىنداي ادەمى مەكەندە تۇرىپ جاتقانىنا قۋانىشتىمىن. تۇركىستان - تۇركى الەمىنىڭ تۋريستىك ورتالىعىنا اينالدى. باستىسى ەلىمىز امان، جۇرتىمىز تىنىش بولسىن»، - دەدى ءانشى.

فوتو: تۇركىستان وبلىسىنىڭ اكىمدىگى