ۆاكسينا تاپشى: وسكەمەندە كەنە شاققان حالىققا يممۋنوگلوبۋلين سالىنباي جاتىر
وسكەمەن. KAZINFORM - وسكەمەن قالاسىندا كەنەدەن زارداپ شەككەن تۇرعىندارعا يممۋنوگلوبۋلين ەگىلمەي جاتىر. بۇعان سەبەپ - پرەپاراتتىڭ تاپشىلىعى.
سوڭعى ءبىر اي ىشىندە مەديتسينالىق مەكەمەگە جۇگىنگەن ازاماتتارعا ۆاكسينا سالىنباي، تەك كەنە شاققان جەردى زالالسىزداندىرۋ جۇرگىزىلىپ، دەنە قىزۋىن باقىلاپ وتىرۋ ۇسىنىلىپ كەلەدى.
- مەنى كەنە شاعىپ العاننان كەيىن اۋرۋحاناعا قارالدىم. ءبىراق دارىگەرلەر ۆاكسينا جوق دەپ، باقىلاۋدا بولاتىنىمدى عانا ايتتى. ءبىر اي بويى ۆاكسينا كەلمەگەن ەكەن. ءبىزدىڭ وبلىستا كەنە ەنسەفاليتى مەن باسقا دا قاۋىپتى ينفەكسيالار تىركەلىپ جاتىر عوي. وندا نەگە اۋرۋحانالارعا ۆاكسينا ساتىپ الىنبايدى؟! - دەپ نارازىلىعىن ءبىلدىردى اتى-ءجونىن اتاماۋدى سۇراعان وسكەمەن قالاسىنىڭ تۇرعىنى.
وسى ماسەلەگە بايلانىستى ش ق و دەنساۋلىق ساقتاۋ باسقارماسىنان جاۋاپ بەردى.
- 2025 -جىلعا ارنالعان كەنە ەنتسەفاليتىنە قارسى يممۋنوگلوبۋلين ساتىپ الۋ جونىندەگى تاپسىرىس 2024 -جىلى جاسالعان. سونىڭ نەگىزىندە 2025 -جىلدىڭ 7-ناۋرىزىندا وڭىرگە 23850 م ل يممۋنوگلوبۋلين جەتكىزىلدى. الايدا كوكتەم ەرتە شىققاندىقتان، كەنە سانى كوبەيىپ، ولاردان زارداپ شەككەن حالىق سانى كۇرت ارتتى. وسىعان بايلانىستى باسقارما «س ك-فارماتسيا» ج ش س-عا قوسىمشا ءوتىنىم جولدادى. سونداي-اق باسقا وڭىرلەرگە پرەپاراتتى ءوزارا قايتارىم نەگىزىندە ءبولىسۋ تۋرالى رەسمي سۇراۋحاتتار جىبەرىلدى، - دەلىنگەن حابارلامادا.
اۆتور
تالعاتجان مۇحامەتبەك ۇلى
