Air Astana دۋبايعا ۇشاتىن رەيستەردى توقتاتۋ مەرزىمىن 30-ساۋىرگە دەيىن ۇزارتتى
استانا. KAZINFORM - تاياۋ شىعىستاعى قاقتىعىس ءالى جالعاسىپ جاتقاندىقتان، Air Astana اۋەكومپانياسى الماتى مەن استانادان دۋبايعا ۇشاتىن تۇراقتى رەيستەردى توقتاتۋ مەرزىمىن 1-ساۋىردەن 30-ساۋىرگە دەيىن (قوسا العاندا) ۇزارتۋعا ءماجبۇر بولىپ وتىر.
بۇل تۋرالى اۋە كومپانياسىنىڭ باسپا ءسوز قىزمەتى ءمالىم ەتتى.
ۇشۋدى الدىن-الا جوسپارلاپ، الايدا ۇشا الماي قالعان جولاۋشىلارعا كەلەسىدەي نۇسقاۋلىق ۇسىنىلدى:
• بيلەت قۇنىن تولىق قايتارىپ بەرۋ (ايىپپۇلسىز)؛
• دۋبايعا 30-ماۋسىمعا دەيىن (قوسا العاندا) ۇشاتىن رەيستەردى تەگىن قايتا برونداۋعا مۇمكىندىك بەرۋ؛
• اۋەكومپانيانىڭ باسقا باعىتتارىنا ايىپپۇلسىز قايتا برونداۋعا بولادى (تاريف ايىرماسى مەن اۋەجاي الىمدارى بويىنشا قوسىمشا تولەم بولۋى مۇمكىن)، ساپار مەرزىمى 30-ماۋسىمعا دەيىن (قوسا العاندا).
اۋەكومپانيا تاياۋ شىعىستاعى احۋالدى مۇقيات باقىلاپ وتىر.
ايتا كەتەيىك، بۇعان دەيىن Air Astana اۋەكومپانياسى 29-ناۋرىز بەن 24-قازان ارالىعىندا جالعاساتىن جازعى ناۆيگاتسياعا كوشكەنىن جازدىق. بۇل ۋاقىتتا رەيستەر جيىلىگى ارتىپ، جاڭا باعىتتار اشىلىپ، ماۋسىمدىق رەيستەر قايتا جاندانادى.
