افريكانىڭ 13 ەلىندە مايمىل شەشەگى اۋرۋى تارادى
تامىزدىڭ باسىنان بەرگى ەسەپ بويىنشا 3 مىڭعا جۋىق ادام ۆيرۋس جۇقتىرىپ، 517 ادام كوز جۇمعان.
اسىرەسە كونگو دەموكراتيالىق رەسپۋبليكاسىنداعى ەپيدەميالىق احۋال كۇردەلى. سونداي- اق بۋرۋندي، كامەرۋن، گانا مەن وڭتۇستىك افريكادا اۋرۋ ءورشىپ تۇر. سوندىقتان اتالعان ەلدەردە توتەنشە جاعداي رەجيمى جاريالاندى. ستاتيستيكاعا سۇيەنسەك، 2022-2023 -جىلدارى ينفەكتسيانى جۇقتىرعاندار سانى 2021 -جىلعى كورسەتكىشپەن سالىستىرعاندا %79 كە كوپ تىركەلگەن. ال، بيىل ءتىپتى جوعارى. %160 كە جەتكەن.
«مۇنداي قارقىنمەن قاۋىپتى دەرت كوپ ۇزاماي وزگە ەلدەردە دە ءورشۋى مۇمكىن»، - دەيدى ماماندار.
جان كاسەيا، افريكاداعى اۋرۋلاردى باقىلاۋ ورتالىعىنىڭ باس ديرەكتورى:
- بۇل تەك افريكا قۇرلىعىنداعى تۇرعىنداردىڭ ماسەلەسى ەمەس. ۆيرۋستىڭ تارالۋ قاۋپى وتە جوعارى. بۇكىل الەمگە ەپيدەميالىق قاۋىپ ءتونىپ تۇر. جاھان جۇرتى COVID پاندەمياسىن باسىنان وتكەرگەننەن كەيىن كەز كەلگەن جاعدايعا دايىن بولۋى كەرەك.
