اڭشىلىقتاعى قايعىلى وقيعا: اقمولا وبلىسىندا زەينەتكەر وققا ۇشتى

اقمولا وبلىسى پوليتسيا دەپارتامەنتىنىڭ باسپا ءسوز قىزمەتىنىڭ مالىمەتىنشە، وقيعاعا قاتىستى قىلمىستىق ءىس قوزعالعان. قازىرگى ۋاقىتتا سوتقا دەيىنگى تەرگەۋ امالدارى جۇرگىزىلىپ جاتىر.

- قارۋ يەسى قاماۋعا الىنىپ، ۋاقىتشا ۇستاۋ يزولياتورىنا جەتكىزىلدى. الدىن الا انىقتالعانداي، وقيعا 6-قىركۇيەك كۇنى زەرەندى اۋدانىنداعى اڭشىلىق ماۋسىمى كەزىندە بولعان. كوكشەتاۋ تۇرعىنىنا تيەسىلى مىلتىقتان ابايسىزدا وق اتىلىپ، قايعىلى جاعدايعا اكەپ سوققان، - دەپ حابارلادى ۆەدومستۆو وكىلدەرى.

64 جاستاعى ەر ادامعا وق ءتيىپ، العان جاراقاتىنان وقيعا ورنىندا كوز جۇمدى.

پوليتسيانىڭ مالىمەتىنشە، وقيعانىڭ ءمان-جايى انىقتالىپ جاتىر.

ەسكە سالا كەتەيىك، بۇعان دەيىن جامبىل وبلىسىندا ۇيلەنۋ تويىنان كەيىن اتىس شىعارعان بەس ادام 17 جىلعا باس بوستاندىعىنان ايىرىلعانى حابارلانعان ەدى.