ادىلەتتى قازاقستاندا ءار ازاماتتىڭ جان-جاقتى دامۋىنا مۇمكىندىك بولادى - توقايەۆ
ادىلەتتى قازاقستاندا ءار ازاماتتىڭ جان-جاقتى دامۋىنا مۇمكىندىك بولادى. بۇل تۋرالى «Digital Bridge 2023» حالىقارالىق تەحنولوگيالىق فورۋمىندا مەملەكەت باسشىسى قاسىم-جومارت توقايەۆ ايتتى، دەپ حابارلايدى Kazinform.
«قازىر ءبىز ساياسي جۇيەنى تۇبەگەيلى جاڭعىرتىپ جاتىرمىز. ءبىلىم مەن جاڭا تەحنولوگيانى نەگىزگە الاتىن ەكونوميكا قۇرا باستادىق. ادىلەتتى قازاقستاندا ءار ازاماتتىڭ جان-جاقتى دامۋىنا مۇمكىندىك بولادى. سونداي-اق حالىقتىڭ ءال-اۋقاتىن جاقسارتۋعا باسا ءمان بەرەمىز. ءبىز سيفرلىق نومادتاردىڭ، ياعني مىقتى IT-مامانداردىڭ قازاقستانعا كەلىپ، جۇمىس ىستەۋىنە بارىنشا قولايلى جاعداي جاسايمىز. يننوۆاتسيالىق كاسىپكەرلىكتى جانە كرەاتيۆتى يندۋستريانى دامىتامىز. جالپى، جاھاندىق تەحنولوگيالىق رەۆوليۋتسيا بارلىق ەلدىڭ وركەندەۋىنە، ادامداردىڭ دامىعان جانە ادىلەتتى الەمدە ءومىر سۇرۋىنە سەپتىگىن تيگىزۋى كەرەك»، - دەدى پرەزيدەنت.
