ادامنىڭ قانشا ءومىرى قالعانىن كورسەتەتىن ساعات ويلاپ تابىلدى

استانا. KAZINFORM - تانىمال بلوگەر ءولىمدى ەسكە سالاتىن ەرەكشە ساعات ويلاپ تاپتى، دەپ حابارلايدى El.kz ينتەرنەت پورتالى.

عىلىمي باعىتتاعى Vsauce YouTube-ارناسىنىڭ اۆتورى مايكل ستيۆەنسون DeathWatch دەپ اتالاتىن ەرەكشە ساعاتتى تانىستىردى. بۇل ساعات ادامعا ءومىرىنىڭ شامامەن قاشان اياقتالاتىنىن كورسەتىپ، سول ۋاقىتقا دەيىنگى كۇندەردى كەرى ساناپ تۇرادى.

ۋاقىتتى ەسەپتەۋ كەزىندە ادامنىڭ جاسى، زياندى ادەتتەرى جانە دەنساۋلىعى تۋرالى مالىمەتتەر ەسكەرىلەدى.

قۇرىلعى رەترو-ستيلدە جاسالعان: كورپۋسىندا لاتىن تىلىندە Omnes vulnerant ،ultima necat («ساعاتتىڭ ءار سوعىسى جارالايدى، ال سوڭعىسى ولتىرەدى») جانە Nox imminet («ءتۇن جاقىنداپ كەلەدى») دەگەن سوزدەر قاشالىپ جازىلعان.

ساعاتتا ەكى باتىرما بار: قىزىل تۇيمە كەرى ساناۋدى قوسۋعا ارنالعان، ال سۇر تۇيمە ۋاقىتتى كادىمگى رەجيمدە كورسەتۋگە اۋىستىرادى.

قۇرىلعى الدىن الا تاپسىرىس بەرۋ ارقىلى قولجەتىمدى. باعاسى - شامامەن 36500 تەڭگە.