ادام نەلىكتەن 3 مەزگىل تاماق ىشكەنى دۇرىس؟

سالاۋاتتى ءومىر سالتىن ۇستانۋ ءۇشىن كۇنىنە قانشا رەت تاماق ءىشۋ كەرەك؟ بۇل تۋرالى ءتۇرلى پىكىر بار. كەيدە ءتىپتى دارىگەرلەردىڭ وزدەرى ءارتۇرلى پىكىر ايتادى. كەيبىرەۋلەر كۇنىنە ءۇش رەت تاماقتانۋ پايدالى دەپ سانايدى، ال بىرەۋلەر كۇنىنە بەس رەت تاماقتانعىسى كەلەدى، - دەپ حابارلايدى ماسساگەت doctorpiter. ru-عا سىلتەمە جاساپ.

گاستروەنتەرولوگ ديليارا لەبەديەۆانىڭ ايتۋىنشا، قارقىندى جاتتىعۋ جاسامايتىن نەمەسە فيزيكالىق اۋىر جۇمىسى ىستەمەيتىن ساۋ ادامدار كۇنىنە ەكى-ءۇش رەت تاماقتانسا جەتكىلىكتى.

گاستروەنتەرولوگ تاڭعى اس، تۇسكى جانە كەشكى استى قامتيتىن ءۇش مەزگىل تاماقتانۋدىڭ ءتورت سەبەبىن اتادى. بۇل مىنا جاعدايلارعا كومەكتەسەدى:

ارتىق تاماقتانۋدان اۋلاق بولۋعا؛

اشتىقتى سەزىنبەۋگە (اعزا وسىنداي رەجيمگە ۇيرەنىپ كەتەدى)؛

كۇنى بويى توڭازىتقىشقا جۇگىرۋگە ۋاقىت جۇمساماۋعا؛

اسقازان-ىشەك جولىن شامادان تىس جۇكتەمەۋگە، ويتكەنى ونىڭ تاعامدى قورىتۋعا ۋاقىتى بولادى.

«تەك دارىگەردىڭ ايتقاندارىمەن نەمەسە ديەتولوگ تاڭداعان جەكە تاماقتانۋ جوسپارى بولعان جاعدايدا عانا بۇل وزگەرۋى مۇمكىن»، - دەپ قورىتىندىلادى ديليارا لەبەديەۆا.