قازاقستاندا شىلدە ايىندا قانداي قىلمىستار جاسالدى
استانا. KAZINFORM - قازاقستان ىشكى ىستەر مينيسترلىگى قىلمىسكەرلەردى ۇستاۋ جانە حابار-وشارسىز كەتكەن ازاماتتاردى ىزدەستىرۋ بويىنشا جۇيەلى جۇمىستار جۇرگىزۋدە. بۇل تۋرالى Polisia.kz حابارلادى.
مينيسترلىكتىڭ مالىمەتىنشە، شىلدە ايىنىڭ باسىنان بەرى ىزدەۋدە جۇرگەن 67 ادام ۇستالدى. ونىڭ ىشىندە:
ادام ولتىرگەنى ءۇشىن - 2،
قاراقشىلىق جاساعانى ءۇشىن - 1،
قاساقانا اۋىر دەنە جاراقاتىن كەلتىرگەنى ءۇشىن - 1،
توناۋ بويىنشا - 6،
بوپسالاۋ بويىنشا - 1،
ۇرلىق جاساعانى ءۇشىن - 39،
ەسىرتكى زاتتارىنىڭ زاڭسىز اينالىمىنا قاتىستى - 6 ادام ۇستالعان.
سونىمەن قاتار، ءىز-ءتۇزسىز جوعالعان 190 ازاماتتىڭ ورنالاسقان جەرى انىقتالدى.
- جەدەل ءىس-شارالار اياسىندا ءبىرقاتار حالىقارالىق دەڭگەيدەگى قىلمىسكەرلەر دە قولعا ءتۇستى. ماسەلەن، جامبىل وبلىسىنىڭ شۋ اۋدانىندا ەسىرتكى ساتقانى ءۇشىن مەملەكەتارالىق ىزدەۋدە جۇرگەن 50 جاستاعى ازامات ۇستالدى. 2024 -جىلى ونىڭ ۇيىنەن ءبىر توننادان استام كەپتىرىلگەن ماريحۋانا مەن ءبىر كيلوگرام گاشيش تاركىلەنگەن بولاتىن.
مولدوۆا اۋماعىندا قازاقستان ءى ءى م-نىڭ سۇراۋى بويىنشا حالىقارالىق ىزدەۋدە جۇرگەن ۋكراينا ازاماتى ۇستالدى. ول ۇلىتاۋ وبلىسىندا Telegram مەسسەندجەرى ارقىلى سينتەتيكالىق ەسىرتكىلەر ساتۋمەن اينالىسقان دەگەن كۇدىككە ىلىنگەن. زاڭسىز تابىسىن كريپتوۆاليۋتا بيرجاسى ارقىلى زاڭداستىرىپ، شەتەلگە اۋدارىپ وتىرعان. قازىر سوتقا دەيىنگى تەرگەۋ باستالىپ، ونى ەكستراديتسيالاۋ ماسەلەسى قاراستىرىلىپ جاتىر، - دەلىنگەن اقپاراتتا.
تۇركىستان وبلىسىنىڭ سارىاعاش اۋدانىندا قىرعىزستان ازاماتى ۇستالدى. ول - حالىقارالىق قىلمىستىق توپتىڭ مۇشەسى جانە كورشى ەلدە قىلمىستىق ۇيىمدى قارجىلاندىردى دەگەن كۇدىكپەن ىزدەۋدە بولعان.
سونداي-اق الماتى قالاسىنىڭ اۋەجايىندا قىتاي ازاماتى قولعا ءتۇستى. ول 2024 -جىلدىڭ جەلتوقسانىندا باحرەيندە جەكە ۇيگە زاڭسىز كىرىپ، قۇنى 535629 ا ق ش دوللارىن قۇرايتىن زەرگەرلىك بۇيىمداردى ۇرلاعان.
قازاقستان ءىىم- ءنىڭ سۇراۋى بويىنشا تۇركيا قۇقىق قورعاۋ ورگاندارىمەن بىرلەسىپ كايسەري قالاسىندا 40 جاستاعى ءازىربايجان ازاماتى ۇستالدى. تەرگەۋ مالىمەتىنشە، ول 2017 -جىلى الماتىدا قىلمىستىق توپ قۇرامىندا دونورلىق ورگاندى زاڭسىز الىپ ساتۋعا قاتىسقان.
مينيسترلىك ازاماتتاردىڭ قۇقىقتارى مەن بوستاندىقتارىن قورعاۋ، زاڭ مەن ءتارتىپتى قامتاماسىز ەتۋ باعىتىنداعى جۇمىسىن جالعاستىراتىنىن حابارلادى.
