اۋعانستاندا شەنەۋنىكتەرگە سۋرەتكە تۇسۋگە جانە سۇحبات بەرۋگە تىيىم سالىندى
استانا. KAZINFORM - اۋعانستاننىڭ شىعىسىنداعى نانگارحار پروۆينتسياسىنىڭ بيلىگى جەرگىلىكتى شەنەۋنىكتەرگە ب ا ق وكىلدەرىنە سۋرەتكە تۇسۋگە جانە بەينە سۇحبات بەرۋگە رەسمي تۇردە تىيىم سالدى. بۇل تۋرالى اۋعانستان جۋرناليستيكا ورتالىعى (AFJC) حابارلادى، دەپ جازادى ريا نوۆوستي.
ورتالىقتىڭ مالىمەتىنشە، اۋعانستانداعى «تاليبان» ۋاقىتشا ۇكىمەتىنىڭ ب ا ق بوستاندىعىنا قارسى ارەكەتتەرى ارتىپ كەلەدى.
- بۇل تىيىم وتە الاڭداتادى، ويتكەنى نانگارحار مۇنداي شەكتەۋلەردى ەنگىزگەن بەسىنشى پروۆينتسيا، - دەلىنگەن حابارلامادا.
قاۋىپسىزدىك ماقساتىندا اتى- ءجونىن جاريالاعىسى كەلمەگەن نانگارحارداعى ب ا ق باسشىسى بۇل بۇيرىقتى جەرگىلىكتى شەنەۋنىكتەرگە وبلىس اكىمىنىڭ ورىنباسارى ازيزۋللو مۇستافا بەرگەنىن حابارلادى.
پروۆينتسيانىڭ اقپارات جانە مادەنيەت دەپارتامەنتىنىڭ ديرەكتورى كۋرەشي بادلۋن 12-قاراشادا رەسمي تۇلعالار مەن جەرگىلىكتى ب ا ق جەتەكشىلەرىنە بۇيرىق تۋرالى WhatsApp ارقىلى حابارلاعان. سونداي- اق، نانگارحار گۋبەرناتورىنىڭ ورىنباسارى پروۆينتسياداعى بارلىق شەنەۋنىكتەرگە ەندى جاڭالىقتاردى تەك جازباشا تۇردە بۇقارالىق اقپارات قۇرالدارىنا بەرۋدى بۇيىردى. ب ا ق- تا تەك مەملەكەتتىك عيماراتتاردى، جارنامالار مەن لوگوتيپتەردى پايدالانۋعا رۇقسات ەتىلگەن. سونىمەن قاتار، جەرگىلىكتى شەنەۋنىكتەرمەن بارلىق سۇحباتتار بۇدان بىلاي تەك اۋديو فورماتتا بولۋى كەرەكتىگى ايتىلدى.
ايتا كەتەيىك، بۇعان دەيىن اۋعانستاندا ايەلدەردىڭ ءبىر- بىرىمەن سويلەسۋىنە تىيىم سالىنعان ەدى.
