اباي اتىنداعى مەملەكەتتىك سىيلىققا وتىنىمدەر قابىلداۋ باستالدى
قازاقستان رەسپۋبليكاسىنىڭ 2024-جىلعى اباي اتىنداعى ادەبيەت جانە ونەر سالاسىنداعى مەملەكەتتىك سىيلىعىنا بايقاۋ جاريالاندى.
وتىنىشتەر مەن جۇمىستاردى قابىلداۋ 1- ناۋرىزعا دەيىن جالعاسادى، دەپ حابارلايدى ق ر مادەنيەت جانە اقپارات مينيسترلىگىنىڭ باسپا ءسوز قىزمەتى.
اباي اتىنداعى مەملەكەتتىك سىيلىق قازاقستان مادەنيەتىنىڭ دامۋىنا ەرەكشە قۇندى ۇلەس دەپ تانىلعان ادەبيەت پەن ونەر سالاسىنداعى كورنەكتى ەڭبەكتەرى ءۇشىن قازاقستان رەسپۋبليكاسىنىڭ ازاماتتارىنا جانە شەتەلدىكتەرگە بەرىلەدى.
شارتقا سايكەس، سىيلىققا جۇمىستاردى ۇسىنۋدى مەملەكەتتىك ورگاندار، شىعارماشىلىق وداقتار مەن توپتار جۇزەگە اسىرادى. اباي اتىنداعى مەملەكەتتىك سىيلىققا جۇمىستاردى قابىلداۋ اياقتالعانعا دەيىن بەس جىلدان اسپايتىن ۋاقىتتا جانە كەمىندە ءبىر جىل بۇرىن (2024-جىلدىڭ 1- ناۋرىزىنا دەيىن) كوپشىلىك اينالىم ءۇشىن ورىندالعان ءبىر اۆتوردىڭ نەمەسە اۆتورلار ۇجىمىنىڭ جۇمىستارى (ءبىر جۇمىس) ۇسىنىلا الادى.
بايقاۋعا قاتىسۋ ەرەجەلەرىمەن جانە جۇمىستاردى تىركەۋ ءۇشىن قاجەتتى قۇجاتتار تىزبەسىمەن ق ر مادەنيەت جانە اقپارات مينيسترلىگىنىڭ سايتىنان تانىسۋعا بولادى.
