وسكەمەندە «Abai175» بەلگىسىمەن 500 اۆتوكولىك قۇراستىرىلادى

وسكەمەن. قازاقپارات - وسكەمەن قالاسىندا ۇلى اقىننىڭ مەرەيتويىنا وراي «Abai175» بەلگىسىمەن اۆتوكولىكتەر شىعارىلدى، دەپ حابارلايدى قازاقپارات ءتىلشىسى.

«ازيا اۆتو» ا ق وسىنداي سەريامەن «LADA Granta» ماركالى 500 كولىك شىعارماق. مۇنداي كولىكتەر اقپان ايىنىڭ سوڭىنا قاراي ساتىلىمعا قويىلادى دەپ جوسپارلانۋدا.

«ابايدىڭ 175 جىلدىعى اياسىندا كولىك سەرياسىن شىعارىپ وتىرمىز. سونداي-اق ءار كولىككە سىيلىق رەتىندە «ابايدىڭ قارا سوزدەرى» جيناعى بەرىلەدى»، - دەيدى اكسيونەرلىك قوعامنىڭ باس ديرەكتورى ەرىك ساعىمبايەۆ.

ايتا كەتەيىك، اقىننىڭ مەرەيتويىنا ورايلاستىرىلعان العاشقى ماشينالاردىڭ تانىستىرىلىمىنا وسكەمەن قالاسىنىڭ اكىمى جاقسىلىق ومار قاتىستى.

سونداي-اق وسىعان دەيىن وسكەمەندە «ءبىزدىڭ اباي» ادەبي ترامۆايىنىڭ جولعا شىققانىن حابارلاعان بولاتىنبىز.