ا ق ش ورتالىق بارلاۋ قىزمەتىنىڭ ديرەكتورى گازا بويىنشا 28 كۇندىك بىتىمگە كەلۋگە شاقىردى
استانا. KAZINFORM – ا ق ش ورتالىق بارلاۋ قىزمەتىنىڭ ديرەكتورى ۋيليام بەرنس گازاداعى اتىستى توقتاتىپ، 28 كۇندىك بىتىمگە كەلۋ ارقىلى يزرايل تۇرمەسىندە كەپىلدىكتە وتىرعان سەگىز ايەل مەن جاسى 50 دەن اسقان ەر كىسىلەردى سونداي-اق ءبىرقاتار پالەستين ازاماتتارىن بوساتۋعا شاقىردى. بۇل تۋرالى ت ا س س جازدى.
Axios پورتالىنىڭ حابارلاۋىنشا، بۇل سەناري اتىستى توقتاتۋ كەلىسسوزدەرىن سوڭعى ايلاردا قول جەتكىزگەن تىعىرىقتان شىعارىپ، جان-جاقتى كەلىسىم بويىنشا كەلىسسوزدەرگە كوشۋگە مۇمكىندىك بەرۋى مۇمكىن. الايدا، باسىلىم مۇنداي جوسپاردى تەك ۋاقىتشا اتىستى توقتاتۋعا دايىن ەكەنىن مالىمدەگەن يزرايل پرەمەر-ءمينيسترى بينيامين نەتانياحۋ مەن يزرايل اسكەرلەرىنىڭ شىعارىلۋىن تالاپ ەتىپ وتىرعان پالەستينالىق حاماس راديكالدىق قوزعالىسىنىڭ ۇستانىمدارىنداعى تۇبەگەيلى كەلىسپەۋشىلىكتەرگە بايلانىستى جۇزەگە اسىرۋ مۇمكىن ەمەستىگىن مويىندايدى.
يزرايل شەنەۋنىگى باسىلىمعا: «ەگەر ەكى جاق تا ءوز ۇستانىمىن جۇمسارتپاسا، مامىلە بولمايدى»، - دەدى.
پورتالعا سۇحبات بەرۋشىلەر حاماس ساياسي بيۋروسىنىڭ باسشىسى ياحيا سينۆاردىڭ ءولىمى اقىر اياعىندا قوزعالىستى ءوز تالاپتارىن جۇمسارتىپ، كىشىگىرىم كەلىسىمدەرگە كەلىسۋگە ماجبۇرلەيدى يزرايل قاقتىعىستى توقتاتۋ ءۇشىن بارىنشا دايىن بولادى دەپ ۇمىتتەندى.
ەستەرىڭىزگە سالا كەتەيىك، دوحادا گازاداعى بىتىمگە كەلۋ تۋرالى كەلىسسوزدەر ءوتىپ جاتىر. بۇعان دەيىن ەگيپەت كەپىلگە الىنعان ءتورت ادامدى بىرنەشە پالەستينالىق تۇتقىنعا ايىرباستاۋدى ۇسىنعان.
