ا ق ش وليمپيادا جانە پاراليمپيادا كوميتەتى ترانسگەندەر ايەلدەرگە جارىسقا قاتىسۋعا تىيىم سالدى
استانا. KAZINFORM – ا ق ش- تىڭ وليمپيادا جانە پاراليمپيادا كوميتەتى (USOPC) ساياساتىنا جاقىندا ەنگىزىلگەن وزگەرىستەن كەيىن ترانسگەندەر ايەلدەر بۇدان بىلاي وليمپيادا جانە پاراليمپيادا ويىندارىنىڭ ايەلدەر ساناتتارىندا ا ق ش اتىنان باسەكەگە تۇسە المايدى، دەپ حابارلايدى ABC News.
كوميتەت ايەلدەرگە بولىنگەن سپورت تۇرلەرىنە قاتىسۋعا جانە بولەك شەشىنەتىن بولمەلەرگە تىيىم سالاتىن مەكتەپتەر مەن سپورتتىق قاۋىمداستىقتاردى قوسا العاندا، شۇعىل شارا قولدانۋدى تالاپ ەتەتىن پرەزيدەنت دونالد ترامپتىڭ اقپان ايىنداعى بۇيرىعىنا سىلتەمە جاسادى.
- فەدەرالدىق دەڭگەيدەگى ۇيىم رەتىندە ءبىز فەدەرالدى ۇمىتتەردى اقتاۋعا مىندەتتىمىز، - دەپ مالىمدەدى ا ق ش وليمپيادا جانە پاراليمپيادا كوميتەتى (USOPC).
سپورتشىلار قاۋىپسىزدىگى ساياساتىنىڭ جاڭارتىلعان نۇسقاسىندا ا ق ش وليمپيادا جانە پاراليمپيادا كوميتەتى «ترانسگەندەر» ءسوزىن تىكەلەي قولدانباي قايتا قارالعان ساياسات «ايەلدەر ءۇشىن ءادىل جانە قاۋىپسىز باسەكەلەستىك ورتانى قامتاماسىز ەتۋدىڭ ماڭىزدىلىعىنا باسا نازار اۋداراتىنىن» مالىمدەدى.
- ا ق ش وليمپيادا ويىندارىنىڭ كوميتەتى سسپورتتىق جارىستارعا قاتىساتىن سپورتشىلاردىڭ مۇمكىندىكتەرىن قورعاۋعا تىرىسادى. كوميتەت پرەزيدەنتتىڭ 14201-جارلىعىنا جانە تەد ستيۆەنستىڭ وليمپيادالىق جانە اۋەسقوي سپورت تۋرالى زاڭىنا سايكەس ايەلدەرگە ءادىل جانە قاۋىپسىز باسەكەلەستىك ورتاسىن قامتاماسىز ەتۋ ءۇشىن ح و ك، ح پ ك، ۇلتتىق سپورت فەدەراتسيالارى سياقتى ءارتۇرلى مۇددەلى تاراپتارمەن ىنتىماقتاستىقتى جالعاستىرادى، - دەلىنگەن USOPC سايتىندا جاريالانعان جاڭارتىلعان ساياساتتا.
بۇعان دەيىن ا ق ش ترانسگەندەرلەردى اسكەردەن بوساتاتىنى تۋرالى جازعان بولاتىنبىز.
