ا ق ش- تا ترانسگەندەرلەردىڭ ايەلدەر سپورتىنا قاتىسۋىنا تىيىم سالاتىن زاڭ جوبالارى قابىلداندى

استانا. KAZINFORM – ا ق ش كونگرەسىنىڭ وكىلدەر پالاتاسى ترانسگەندەرلەردىڭ مەكتەپتەردە قىزدار سپورتىنا قاتىسۋىنا تىيىم سالاتىن زاڭ جوباسىن ماقۇلدادى، دەپ جازادى انادولى.

проституция
Фото: Kazinform/ CNA/ iba.sport

ەندى ەلدەگى بارلىق ترانسگەندەر سپورتشىلار باستاۋىش مەكتەپتەن ۋنيۆەرسيتەت دەڭگەيىنە دەيىنگى ايەلدەر سپورتىنا قاتىسا المايدى. زاڭ جوباسى 218 قولداۋ جانە 206 قارسى داۋىسپەن قابىلداندى.

داۋىس بەرۋ الدىنداعى پىكىرتالاستاردا رەسپۋبليكاشىلار ەركەك بولىپ تۋىلعان ترانسگەندەر ايەلدەر سپورتىنا قاتىسۋى - باسقا ايەل سپورتشىلارعا ادىلەتسىزدىك دەپ سانايتىنىن ايتقان. ال دەموكراتتار بۇل زاڭ جوباسىن قاتىسۋشىلاردى كەمسىتۋشىلىك دەپ اتادى.

ءبىر قىزىعى، زاڭ جوباسىن تەحاستىڭ ەكى دەموكراتى - گەنري كۋەليار مەن ۆيسەنتە گونسالەس قولدادى. ەگەر زاڭ جوباسى سەناتتا قابىلدانسا، ترانسگەندەرلەرگە ايەلدەر جارىسىندا قاتىسۋعا مۇمكىندىك بەرەتىن مەكتەپتەر فەدەرالدى ءبىلىم بەرۋدى قارجىلاندىرۋدان ايىرىلادى.

ەر ادام جىنىسىن اۋىستىرعاننان كەيىن ايەلدەر اراسىنداعى سپورتتىق جارىستارعا قاتىسۋى بۇكىل ەلدە داۋ تۋدىردى. رەسپۋبليكاشىلدار وتكەن جىلى وزدەرىنىڭ ناۋقاندارىندا بۇل ماسەلەنى كوتەرىپ، وسى تاقىرىپتاعى جارناماعا كەمىندە 111 ميلليون دوللار جۇمساعان.

ا ق ش- تىڭ جاڭادان سايلانعان پرەزيدەنتى دونالد ترامپ تا سايلاۋالدى ناۋقانى كەزىندە كونگرەسس بۇل تاقىرىپقا قاتىستى زاڭنامانى قابىلداماسا، ول ءوزىنىڭ پرەزيدەنتتىك وكىلەتتىكتەرىن تىيىم سالۋ ءۇشىن پايدالاناتىنىن ايتقان.

ايتا كەتەيىك، دونالد ترامپ پرەزيدەنتتىگىنىڭ ءبىرىنشى كۇنىندە-اق «ترانسگەندەرلىك ەسسىزدىكتى توقتاتۋعا» ۋادە بەردى.

سونداي-اق، ترامپ ا ق ش ارمياسى قاتارىنان 15 مىڭ ترانسگەندەر ساربازىن قۋىپ شىقپاق.

سوڭعى جاڭالىقتار