ا ق ش-تا قازاق ەتنومۇراجاي-كورمەسى اشىلدى

استانا. KAZINFORM – كورمەنى نيۋ-يوركتە كاسىپ جۇرگىزەتىن جەرلەستەرىمىز ۇيىمداستىرعان. كورمە ەندى قالانىڭ برۋكلين دەگەن ءىرى اۋدانىنداعى عيماراتتا تۇراقتى ءوتىپ تۇرماق.

كورمەنىڭ العاشقى كۇنى ادام كوپ جينالاتىندىقتان ۇيىمداستىرۋشىلار ەتنومۇراجايدىڭ اشىلۋ سالتاناتىن برۋكليندەگى ساياباقتا وتكىزدى. يگى باستامانى قولعا الىپ، ءوز قارجىسىنا قازاقستاننان ەكسپوناتتاردى الدىرعان نازار ءالي بيمەنوۆ. كاسىپكەر قازاقتىڭ باي مادەنيەتىن بۇكىل امەريكاعا تانىستىرعىسى كەلەدى.

نازار ءالي بيمەنوۆ، كورمەنى ۇيىمداستىرۋشى:

- نيۋ-يورك قالاسى بويىنشا تۇراقتى بولادى. قازىر ول شارالار اتقارىلىپ جاتىر. ا ق ش بويىنشا ءوز شارۋاشىلىعىمنان ەكى سپرينتەر كولىگىن ءبولدىم. جىلجىمالى كوشپەلى مۇراجاي بولادى. ءقازىر ەتنومۇراجاي قورىندا قازاقتىڭ سالت-داستۇرىنە قاتىستى جانە تۇرمىس تىرشىلىگىندە قولدانعان كوپتەگەن جادىگەر جينالعان. ەر توقىم، قامشى، ساداقپەن قاتار استاۋ، كەسە، قىمىز پىسكەن كۇبى بار. ءتىپتى ون توعىزىنشى عاسىرداعى كەلساپتى دا كورۋگە بولادى.

ءناسىپ حازيەۆا، كورەرمەن:

- كەيبىر كەلگەن جاستار وزدەرى بىلمەيتىن زاتتاردىڭ اتتارىن سۇراپ جاتىر. ءالي باۋىرىمىز ءبىراز جادىگەر جيناعان. مىنا جەردە ەسكى كونە اسپاپتار بار. جەتىگەن، قوبىز مىناۋمەن قالاي وينايدى دەپ اسىقتاردى دا كورىپ جاتىر وسىندا تۋعان قازاقتىڭ بالالارى. قولمەن ۇستاپ كوزبەن كورىپ. سوندىقتان بۇل ماقتانۋعا وتە تۇرارلىق زات دەپ ويلايمىن.

باقبولات اقىلبايەۆ، كورەرمەن:

- اتا بابامىزدان كەلە جاتقان كيىز ءۇي، ساداقتارىمىز بار. ءبىر جاعىنان تاماشالاۋعا، ەكىنشىدەن تاريحتى كوزبەن كورىپ جاتىر. سوعان قۋانىشتىمىز. ەتنومۇراجاي الداعى ۋاقىتتا دا جاڭا جادىگەرلەرمەن تولىقتىرىلاتىن بولادى دەيدى ۇيىمداستىرۋشىلار. مىسالى، كورمەدە سۋۆەنير كيگىز ءۇي تۇر، بولاشاقتا ونىڭ شىنايى ءتۇرىن قازاقستاننان ارنايى الدىرتۋ جوسپارى بار.

24.kz