ا ق ش- تا كاپيتولييگە شابۋىل جاساپ، كەيىن اقتالعان ادامدى پوليسيا اتىپ تاستادى

استانا. قازاقپارات - 2021 - جىلدىڭ 6 -قاڭتارىندا كاپيتوليگە جاساعاندارعا ا ق ش پرەزيدەنتى دونالد ترامپ راقىمشىلىق جاساعان بولاتىن.

АҚШ
Фото: BBC

 ولاردىڭ اراسىندا ينديانا شتاتىنىڭ ازاماتىدا بەرەدى. وسى ازامات راقىمشىلىق جاسالعاننان كەيىن بىرنەشە كۇننەن سوڭ پوليسيا قىزمەتكەرىنىڭ قولىنان قازا تاپتى، دەپ حابارلايدى BBC.

42 جاستاعى مەتتيۋ حاتتل جەكسەنبى، 26 - قاڭتاردا اتىپ ءولتىرىلدى. ينديانا شتاتىنىڭ پوليسياسى مالىمدەگەندەي، ءتارتىپ ساقشىلارى ونىڭ كولىگىن توقتاتىپ، ۇستاماق بولعان، ءبىراق حاتتل قارسىلىق تانىتىپ، وفيتسەرمەن جانجالداسىپ، اقىرى وفيتسەر وعان وق اتقان. كۇدىكتى العان جاراقاتىنان كوز جۇمدى.

پوليسيا قىزمەتكەرى اقىلى اكىمشىلىك دەمالىسقا جىبەرىلدى.

- تولىق اشىقتىق ءۇشىن مەن ينديانا شتاتىنىڭ پوليتسياسىنان اتىسقا قاتىسى بار وفيسەرگە قاتىستى تەرگەۋ جۇرگىزۋدى سۇرادىم، - دەدى دجاسپەر وكرۋگىنىڭ شەريفى پاتريك ۋيليامسون.

ەر ادامنىڭ نە سەبەپتى ۇستالعانى بەلگىسىز. پوليسيا حاتتلدىڭ وزىمەن بىرگە اتىس قارۋى بولعانىن قوسىپ ءوتتى.

مەتتيۋ حاتتل 2022 -جىلدىڭ قاراشاسىندا ءتارتىپ بۇزعانى جانە كىرۋگە تىيىم سالىنعان عيماراتقا كىرگەنى ءۇشىن قاماۋعا الىندى. ول كاپيتوليدە 16 مينۋت بولدى. ونىڭ قورعاۋشىسىنىڭ ايتۋىنشا، حاتتل ساياسي بەلسەندى ەمەس ەدى.

ول 6 - قاڭتاردا اعاسىمەن ۆاشينگتونعا كەلدى. ول وزدەرى وقتالعان ءىس «تاريحتا قالاتىن وقيعا بولادى» دەپ سەندى، ودان كەيىن ول جول ەرەجەسىن بۇزعانى ءۇشىن تۇرمەگە وتىرىپ كەلگەن سوڭ نەمەن اينالىسارىن بىلمەي ءجۇردى. وسىنىڭ بارلىعى حاتلل- دىڭ زاڭسىز ارەكەتكە بارۋىنا سەبەپ بولدى.

ول كىناسىن مويىنداپ، التى ايعا باس بوستاندىعىنان ايىرىلدى. 2024 -جىلدىڭ شىلدەسىندە بوساتىلۋى ءتيىس ەدى.

ادۆوكاتتىڭ سەندىرۋىنشە، حاتتل سوتقار ەمەس.

ونىڭ اعاسى دەيل حاتتل دا تارتىپسىزدىكتەرگە قاتىسقان جانە عيماراتتى باسىپ العانىنا ەش وكىنبەيدى، مۇنى «پاتريوتتىق پارىز» دەپ سانايدى. پوليسيا قىزمەتكەرىنە فلاگشتوكپەن شابۋىل جاساعانى ءۇشىن ول 30 ايعا باس بوستاندىعىنان ايىرىلدى.

دەنيەل بەلل سياقتى قارۋ ساقتاعانى ءۇشىن قاماۋعا الىنعان كاپيتولي بۇلىكشىلەرىنە راقىمشىلىق جاسالعاننان كەيىن جاڭا قۇقىقتىق ماسەلەلەر تۋىنداپ وتىر. دونالد ترامپ 1600 گە جۋىق بۇلىكشىگە راقىمشىلىق جاسادى. الايدا ونىڭ شەشىمىن رەسپۋبليكاشىلداردىڭ ءبارى بىردەي قولداعان جوق. سەناتور ليندسي گرەم كەشىرىم جاساۋدى قاتەلىك دەپ اتاپ، بۇل پوليتسيا قىزمەتكەرلەرىنە قاتىستى ادىلەتسىزدىك دەپ سانايدى.

Washington Post مالىمەتىنشە، 2015 - جىلدان 2024 -جىلعا دەيىن ا ق ش- تا پوليسيا 10429 ادامدى اتىپ ولتىرگەن.

وسىعان دەيىن ا ق ش كونگرەسى زاڭسىز ميگرانتتاردى قاماۋعا الۋ تۋرالى زاڭ قابىلداعانى تۋرالى جازدىق.

سوڭعى جاڭالىقتار