ا ق ش- تا ءبىلىم الىپ جاتقان قازاقستاندىقتار سانى ءوستى
استانا. KAZINFORM – ا ق ش مەملەكەتتىك دەپارتامەنتى مەن حالىقارالىق ءبىلىم بەرۋ ينستيتۋتى (IIE) 18-قاراشادا جاريالاعان بايانداماسىنا قاراعاندا، 2023-2024 وقۋ جىلىندا ا ق ش- تا جوعارى ءبىلىم الاتىن شەتەلدىك ستۋدەنتتەر سانى 1 ميلليون 126 مىڭنان اسىپ، 1948 -جىلدان بەرگى ەڭ جوعارى كورسەتكىشكە جەتتى، دەپ حابارلايدى CNS اقپارات اگەنتتىگى.
اتالعان ەسەپكە سايكەس، 2023-2024 وقۋ جىلىندا ا ق ش- تا شەتەلدىك ستۋدەنتتەر سانى %7 عا ارتىپ، 1126690 ادامدى قۇرادى. بۇل كورسەتكىش ەلدەگى ۋنيۆەرسيتەتتەردەگى جالپى ستۋدەنتتەردىڭ %5,9 ىن قۇرايدى.
ستۋدەنتتەر سانى بويىنشا ءبىرىنشى ورىندى ءۇندىستان يەلەندى، ولاردىڭ سانى شامامەن 332 مىڭعا جەتىپ، %23,3 عا ءوستى جانە جالپى شەتەلدىك ستۋدەنتتەردىڭ %29,4 ىن قۇرايدى. بۇل 2009 -جىلدان بەرى العاش رەت ءۇندىستان ستۋدەنتتەرىنىڭ سانى قىتايدان اسىپ وتىر. قىتايدان كەلگەن ستۋدەنتتەر سانى شامامەن 277 مىڭدى قۇراپ، %4,2 عا ازايدى. ءۇشىنشى ورىندا 43 مىڭ ستۋدەنتپەن وڭتۇستىك كورەيا تۇر، بۇل كورسەتكىش %1,6 عا تومەندەگەن.
ا ق ش- تا ءبىلىم الىپ جاتقان قازاقستاندىق ستۋدەنتتەردىڭ سانى 2712 گە جەتىپ،%11.1 عا ارتقان.
ماماندىقتارعا قاتىستى مالىمەتتەرگە سايكەس، شەتەلدىك ستۋدەنتتەردىڭ 280 مىڭعا جۋىعى ماتەماتيكا جانە كومپيۋتەر سالاسىندا وقيدى. بۇل - ەڭ تانىمال ماماندىقتاردىڭ ءبىرى. ينجەنەريانى 210 مىڭ ستۋدەنت، ال بيزنەس جانە باسقارۋ ماماندىقتارىن 160 مىڭ ستۋدەنت تاڭداعان.
ۋنيۆەرسيتەتتەر اراسىندا نيۋ-يورك ۋنيۆەرسيتەتى كوش باستاپ تۇر، وندا 27247 شەتەلدىك ستۋدەنت وقيدى. ودان كەيىن 21023 ستۋدەنتپەن نورتيستەرن ۋنيۆەرسيتەتى جانە 20321 ستۋدەنتپەن كولۋمبيا ۋنيۆەرسيتەتى ورنالاسقان.
ا ق ش ساۋدا مينيسترلىگىنىڭ مالىمەتىنشە، 2023 -جىلى حالىقارالىق ستۋدەنتتەر وقۋ اقىسى مەن تۇرمىس شىعىندارى ارقىلى ا ق ش ەكونوميكاسىنا شامامەن 50 ميلليارد دوللار قوسقان.
حالىقارالىق ءبىلىم بەرۋ ينستيتۋتىنىڭ پرەزيدەنتى اللان گۋدماننىڭ ايتۋىنشا، الداعى جىلدارى شەتەلدىك ستۋدەنتتەر سانىنىڭ ودان ءارى ءوسۋى كۇتىلۋدە.
ول: «ا ق ش ۋنيۆەرسيتەتتەرى شەتەلدىك ستۋدەنتتەردى كوبىرەك قابىلداۋعا قابىلەتتى، ءبىز ولاردى قۇشاق جايا قارسى الامىز»، - دەدى.
اۆتور
دانا نۇرباقىت
