ا ق ش-تا بەنزيننىڭ ورتاشا باعاسى رەكوردتىق دەڭگەيگە جەتتى
استانا. KAZINFORM - ا ق ش- تا بەنزيننىڭ ورتاشا باعاسى جاڭا رەكوردتىق كورسەتكىشكە - گاللونعا $4,46 (3,79 ل) جەتتى، بۇل 7-ساۋىردە يرانمەن ۋاقىتشا كەلىسىم جاريالانعاننان كەيىنگى ەڭ جوعارى كورسەتكىش. بۇل تۋرالى NBC News-كە سىلتەمە جاساپ، بەلتا حابارلادى.
باستاپقى مالىمەتتەرگە قاراعاندا، يرانداعى اسكەري وپەراتسيا باستالعاننان بەرى بەنزيننىڭ ورتاشا باعاسى %49 دان استام وسكەن. وسى ۋاقىتتا مۇناي باعاسى جىل باسىنان بەرى شامامەن %80 عا قىمباتتادى.
باعانىڭ وسۋىنە قىسقا مەرزىمدى قىسىمنىڭ كۇشەيۋى، اسىرەسە، ا ق ش پرەزيدەنتى دونالد ترامپتىڭ يران پورتتارىن بلوكادادا ۇستاۋ نيەتىن بىلدىرۋىمەن بايلانىستى.
- ءبىز باعانىڭ بۇل قىسقا مەرزىمدى ءوسۋى امەريكان حالقىنا قالاي اسەر ەتەتىنىن تۇسىنەمىز، - دەپ جاعدايعا ا ق ش قارجى ءمينيسترى سكوتت بەسسەنت پىكىر ءبىلدىردى.
بەنزين ەڭ قىمبات كاليفورنيادا - گاللونعا $6,11. ۆاشينگتون جانە گاۆاي شتاتتارىندا ونىڭ باعاسى $5,6 عا جەتەدى. سونداي-اق، ورەگون، نيەۆادا جانە الياسكا تۇرعىندارى ءۇشىن جانارماي باعاسى $5تەن اسادى.
بۇعان دەيىن ا ق ش- تا بەنزيننىڭ ورتاشا باعاسى ءبىر گاللونعا 3,57 دوللاردان 5,96 دوللارعا دەيىن اۋىتقىپ، ا ق ش ازاماتتارىنىڭ بيۋدجەتىنە قوسىمشا سالماق تۇسىرەتىنىن جازدىق.
