ا ق ش-تا اليمەنت بويىنشا قارىزى بار ازاماتتاردىڭ ءتولقۇجاتى جويىلادى

بۇل شارا العاشقى كەزەڭدە قارىزى 100000 دوللاردان اساتىن شامامەن 2700 امەريكالىق ازاماتقا قاتىستى قولدانىلادى. كەيىن باعدارلاما ەداۋىر كەڭەيتىلىپ، 2500 دوللاردان جوعارى قارىزى بار بارلىق ازاماتتى قامتيدى - بۇل شەك 1996 -جىلى بەلگىلەنگەنىمەن، ءىس جۇزىندە كوپ قولدانىلماعان. بۇل ناۋقاندا قانشا ادامنىڭ قامتىلاتىنى ازىرگە بەلگىسىز، ويتكەنى ا ق ش دەنساۋلىق ساقتاۋ جانە الەۋمەتتىك قىزمەتتەر مينيسترلىگى شتاتتاردان دەرەكتەر جيناۋدى جالعاستىرىپ جاتىر. دەگەنمەن ونداعان مىڭ ادام ىلىگۋى مۇمكىن.

بۇعان دەيىن ءتولقۇجاتىن جويۋ تەك ونى ۇزارتۋعا ءوتىنىش بەرگەندەرگە عانا قاتىستى بولاتىن. ەندى قۇجات يەسىنىڭ وتىنىشىنە قاراماستان، الدىن الا تارتىپپەن - پرواكتيۆتى تۇردە الىناتىن بولادى.

- ءبىز اليمەنت ءوندىرىپ الۋدا تيىمدىلىگىن دالەلدەگەن تاجىريبەنى كەڭەيتىپ جاتىرمىز. قارىز وتەلگەن ساتتە اتا-انالار قايتادان ءتولقۇجاتىن پايدالانا الادى، - دەدى كونسۋلدىق ماسەلەلەر جونىندەگى مەملەكەتتىك حاتشىنىڭ كومەكشىسى مورا نامدار.

ۆەدومستۆو دەرەگىنشە، باعدارلاما 1998 -جىلى ىسكە قوسىلعاننان بەرى شتاتتار شامامەن 657 ميلليون دوللار ءوندىرىپ العان، ونىڭ ىشىندە سوڭعى بەس جىلدا 156 ميلليون دوللاردان استامى ءبىرجولعى تولەمدەر ارقىلى تۇسكەن.

ءتولقۇجاتتارى جارامسىز دەپ تانىلعان ازاماتتارعا قۇجاتتىڭ شەتەلگە شىعۋعا جارامسىز ەكەنى تۋرالى حابارلاما جىبەرىلەدى. ەگەر ادام شەتەلدە جۇرگەن كەزدە قۇجاتى بۇعاتتالسا، ول ا ق ش ەلشىلىگىنە نەمەسە كونسۋلدىعىنا جۇگىنىپ، ەلگە قايتۋ ءۇشىن جەدەل جول ءجۇرۋ قۇجاتىن الا الادى.

اليمەنت ماسەلەسى بويىنشا قازاقستاندا دا جاعداي ءماز ەمەس. ەلىمىزدە 12 مىڭ ادامنىڭ اليمەنت قارىزى بار. سوماسى 18 ميلليارد تەڭگەگە جەتىپ وتىر.