ا ق ش قىتايداعى Boeing 737 اپاتىنىڭ سەبەبىن اتادى
استانا. KAZINFORM – ا ق ش ۇلتتىق كولىك قاۋىپسىزدىگى كەڭەسى (NTSB) 2022 -جىلدىڭ 21-ناۋرىزىندا China Eastern Airlines Boeing 737-800 ۇشاعىنىڭ اپاتقا ۇشىراۋىن وتىنمەن جابدىقتاۋدىڭ ىستەن شىعۋىمەن بايلانىستىردى، دەپ حابارلايدى South China Morning Post.
NTSB زەرتتەۋىنە سايكەس، Boeing 737 قوزعالتقىشتىڭ ءماجبۇرلى تۇردە وشىرىلۋىنە بايلانىستى قۋاتىن جوعالتقان. 8839 مەتر بيىكتىكتە ەكى قوزعالتقىشتىڭ تۇتقاسى «ءوشىرۋ» كۇيىنە اۋىستىرىلعان. بۇل كابينادا قاساقانا ارەكەت بولۋى مۇمكىن ەكەنىن كورسەتەدى.
قىتاي بيلىگى ۇلتتىق قاۋىپسىزدىك ماسەلەلەرىنە سىلتەمە جاساي وتىرىپ، اپات تۋرالى سوڭعى ەسەپتى ءالى جاريالاعان جوق. قىتايدىڭ ازاماتتىق اۆياتسيا اكىمشىلىگى تەرگەۋ جۇمىستارىن ۇيلەستىرىپ جاتىر. Boeing 737 ا ق ش- تا جوبالانعان جانە وندىرىلگەندىكتەن بۇل پروتسەسكە امەريكالىق تاراپ تا قاتىسىپ جاتىر.
MU5735 رەيسىنىڭ اپاتى قىتايداعى ون جىل ىشىندەگى ەڭ ۇلكەن اۋە اپاتى بولدى. تراگەديانىڭ ءمان-جايى ۇزاق ۋاقىت بويى بەلگىسىز بولىپ كەلدى.
كۋنميننەن گۋاڭجوۋعا بارا جاتقان ۇشاق گۋانسي پروۆينتسياسىنداعى ورماندى بەتكەيگە، باراتىن جەرىنەن شامامەن 160 شاقىرىم جەردە سوقتىعىستى. قايعىلى وقيعا 123 جولاۋشى مەن توعىز ەكيپاج مۇشەسىنىڭ ءومىرىن قيدى.
بۇعان دەيىن وڭتۇستىك سۋداندا جولاۋشىلار ۇشاعى اپاتقا ۇشىراپ، 14 ادامنىڭ قازا تاپقانى حابارلانعان بولاتىن.
