ا ق ش قازاقستاننىڭ رەسەي مۇنايىن قىتايعا ترانزيتتەۋ مەرزىمىن تاعى ءبىر جىلعا ۇزارتتى

- OFAC- پەن (ا ق ش قارجى مينيسترلىگىنىڭ شەتەلدىك اكتيۆتەردى باقىلاۋ باسقارماسى - رەد) جۇرگىزىلگەن كەلىسسوز ناتيجەسىندە رەسەي مۇنايىن قىتاي حالىق رەسپۋبليكاسىنا ترانزيتتەۋگە بەرىلگەن ليتسەنزيانىڭ مەرزىمى 2027-جىلعى 19-ناۋرىزعا دەيىن ۇزارتىلدى.

تاسىمالداۋ كولەمىن ۇلعايتۋ ماسەلەسى قازاقستان مەن رەسەي فەدەراتسياسىنىڭ ەنەرگەتيكا مينيسترلىكتەرى اراسىندا تالقىلانىپ جاتىر. وسىلايشا، رەسەي مۇنايىن قىتايعا ترانزيتتەۋ سانكسيالىق شەكتەۋلەردەن تىس بەرىلگەن ارنايى رۇقسات نەگىزىندە جالعاسىپ جاتىر. جاعداي تۇراقتى باقىلاۋدا، - دەپ جازىلعان مينيسترلىكتىڭ رەسمي مالىمەتىندە.

Bloomberg ەنەرگەتيكا مينيسترلىگىنەن ا ق ش اكىمشىلىگى قازاقستانعا رەسەي مۇنايىن قىتايعا قۇبىر ارقىلى ترانزيتتەۋدى كەلەسى جىلدىڭ ناۋرىزىنا دەيىن جالعاستىرۋعا رۇقسات بەرەتىنى تۋرالى مالىمەت العان جازدى.

Interfax اگەنتتىگىنىڭ مالىمەتىنشە، بۇعان دەيىن OFAC بەرگەن ليسەنزيا وسى جىلدىڭ ساۋىرىنە دەيىن جارامدى بولعان.

- بۇل رۇقسات قازاقستانعا رەسەي مۇنايىنىڭ مىڭداعان باررەلىن قىتايعا ترانزيتتەي بەرۋگە مۇمكىندىك اشادى. اتالعان شەشىم تاياۋ شىعىستاعى سوعىس سالدارىنان مۇناي نارىعى تۇراقسىز كۇيگە تۇسكەن كەزەڭگە تۇسپا-تۇس كەلدى، - دەپ جازادى Bloomberg.

يران بيلىگىنىڭ ورمۋز بۇعازىن جابۋى ازياداعى مۇناي تۇتىنۋشى ەكونوميكالارىن دا تىعىرىققا تىرەپ وتىر.

Bloomberg ا ق ش- تىڭ بۇل قادامى قىتايمەن بىرگە رەسەيگە تۇسەتىن قىسىمدى دا جەڭىلدەتەتىنىن ايتادى.

رەسەيمەن اراداعى كەلىسىم بويىنشا قازاقستان قىتايعا جىل سايىن ترانزيت ارقىلى 10 ميلليون توننا مۇناي جەتكىزەدى. بۇل شامامەن تاۋلىگىنە 200 مىڭ باررەل دەگەن ءسوز.

ەكىجاقتى كەلىسىم بويىنشا رەسەي قازاقستان اۋماعى ارقىلى قىتايعا جىل سايىن 10 ميلليون توننا مۇناي جەتكىزىپ كەلەدى.

ال قازاقستان مۇنايى رەسەي اۋماعى ارقىلى 4 باعىتپەن ترانزيتەلەدى:

- «اتىراۋ-سامارا - اداموۆا زاستاۆا؛

- اتىراۋ-سامارا - ۋست-لۋگا؛

- ك ت ك قۇبىرى

- اتىراۋ -ساراما-شەسحاريس؛

- كاسپي قۇبىرى.