ا ق ش قازاقستاننان 49 جىلعا جالعا جەر الادى: سەنات كەلىسىمدى راتيفيكاتسيالادى
استانا. KAZINFORM - سەنات قازاقستان مەن ا ق ش ۇكىمەتتەرى اراسىنداعى الماتىدا كونسۋلدىق سالۋ ءۇشىن ا ق ش- قا جەر تەلىمىن جالعا بەرۋ تۋرالى كەلىسىمدى راتيفيكاتسيالادى.
كەلىسىم تالاپتارىنا سايكەس ا ق ش سالىقتار مەن كەدەندىك تولەمدەردەن بوساتىلادى. قۇرىلىس، قىزمەت كورسەتۋ، جوندەۋ جانە كوممۋنالدىق قىزمەتتەر شىعىندارىن وزدەرى وتەيدى.
كونسۋلدىقتان بولەك بۇل اۋماقتا ا ق ش ساۋدا مينيسترلىگىنىڭ، ەسىرتكىمەن كۇرەس اگەنتتىگىنىڭ جانە كوممەرتسيالىق قىزمەتتىڭ وكىلدىكتەرى دە اشىلادى دەپ جوسپارلانعان.
زاڭ جوباسىن ازىرلەۋشىلەردىڭ ايتۋىنشا، جاڭا كونسۋلدىق ورتالىق ازياداعى ەڭ ءىرى ۆيزا ورتالىعى بولادى. بۇل قازاقستاننىڭ حالىقارالىق بەدەلىن ارتتىرىپ، ينۆەستيتسيالار تارتۋعا، جۇمىس ورىندارىن اشۋعا، سونداي-اق، بيزنەس پەن قىزمەت كورسەتۋ سالاسىنىڭ دامۋىنا ىقپال ەتەدى.
كەلىسىم رەسمي تۇردە بەكىتىلگەننەن كەيىن حالىقارالىق ارىپتەستەردىڭ سەنىمىن نىعايتىپ، ا ق ش پەن قازاقستان اراسىنداعى قارىم-قاتىناستى جاقسارتۋعا ءتيىس.
سىرتقى ىستەر ءمينيسترىنىڭ ءبىرىنشى ورىنباسارى اقان راحمەتۋلليننىڭ ايتۋىنشا، قازىرگى كەزدە الماتىدا ورنالاسقان اقش كونسۋلدىعىنىڭ قىزمەتكەرلەرى جاڭا عيمارات سالىنعاننان كەيىن سول جەرگە كوشەدى.
«قازىر الماتىدا ەكى عيماراتتى جەكە جالعا الىپ وتىر. جاڭا باس كونسۋلدىق سالىنعان سوڭ بارلىق قىزمەتكەر سول جەرگە كوشەدى. شتاتتىڭ كەڭەيۋى تۋرالى ناقتى اقپارات جوق. ءبىراق بۇل تولىققاندى ينفراقۇرىلىمى بار عيمارات بولاتىندىقتان، بەلگىلى ءبىر دەڭگەيدە كوبەيتۋى مۇمكىن. بۇل ماسەلەنى ا ق ش تاراپىمەن ناقتىلاۋ كەرەك»، - دەدى ول سەنات دالىزىندە.
پرەزيدەنت كەلىسىمدى راتيفيكاتسيالاپ قول قويعاننان كەيىن اكىمدىك پەن باس كونسۋلدىق قوسىمشا كەلىسىم جاساسادى. وسىدان كەيىن جاڭا عيماراتتىڭ قۇرىلىسى باستالادى. راحمەتۋلليننىڭ ايتۋىنشا، بۇل جوبانى امەريكالىق قۇرىلىس كومپانياسى سالادى.
ەسكە سالايىق، بۇعان دەيىن الماتىدا ا ق ش كونسۋلدىعى سالىناتىنى حابارلاندى. جەر تەلىمىنىڭ اۋدانى - 70593 شارشى مەتر، جالداۋ مەرزىمى - 49 جىل. جالداۋ اقىسى - 25,3 ميلليون ا ق ش دوللارى جانە كەلىسىم ەنگىزىلگەن كۇننەن باستاپ كۇنتىزبەلىك 30 كۇن ىشىندە ءبىرىڭعاي تولەممەن تولەنەدى.
