ا ق ش: حارريس ءۇش نەگىزگى شتاتتا ترامپتى باسىپ وزدى

استانا. KAZINFORM - كامالا حارريس ميچيگان، ۆيسكونسين جانە پەنسيلۆانيا شتاتتارىندا دونالد ترامپتان %4 عا الدا كەلە جاتىر. سۆينگ شتاتتارىنداعى سايلاۋشىلاردىڭ %50 ى ا ق ش ۆيتسە-پرەزيدەنتىن،%46 ى بۇرىنعى پرەزيدەنتتى قولداعان.

10-تامىزدا The New York Times گازەتى مەن Siena College زەرتتەۋ ينستيتۋتى جاريالاعان ساۋالناما ناتيجەلەرى بويىنشا امەريكا قۇراما شتاتتارىنىڭ ۆيتسە- پرەزيدەنتى، دەموكراتيالىق پارتيادان پرەزيدەنتتىككە ۇمىتكەر كامالا حارريس ءۇش ماڭىزدى شتاتتا - ميچيگان، ۆيسكونسين جانە پەنسيلۆانيادا رەسپۋبليكاشىل كانديدات دونالد ترامپتان باسىم ءتۇستى.

ساۋالناما 5-9-تامىزدا وتكەن. NYT حابارلاۋىنشا، ءحارريستىڭ پەنسيلۆانياداعى رەيتينگى ءبىر ايدا %10 عا وسكەن.

باسىلىم ۆيتسە- پرەزيدەنتتىڭ تابىسىن ونىڭ جۋىرداعى سايلاۋ ناۋقانى كەزىندە ميچيگان، ۆيسكونسين جانە پەنسيلۆانياعا جاساعان ساپارىمەن بايلانىستىرادى. سايلاۋشىلارمەن، سونىڭ ىشىندە ۆيتسە- پرەزيدەنتتىككە كانديدات تيم ۆالتسپەن كەزدەسۋلەردە حارريس كليماتتىڭ وزگەرۋىنە قاتىستى ۇستانىمى ءۇشىن رەسپۋبليكالىق قارسىلاسىن سىنعا الدى. دەگەنمەن، ساۋالناماعا سايكەس، باسقا شتاتتارداعى سايلاۋشىلار ا ق ش ءۇشىن ەڭ وزەكتى ماسەلەلەر سانالاتىن يمميگراتسيا مەن ەكونوميكادا ءالى دە ترامپتى قولدايدى.

ساۋالناماعا قاتىسقان سايلاۋشىلاردىڭ %47 ى ترامپتان ەل ءۇشىن «وتە جامان» بولاتىن وزگەرىستەردى كۇتەتىنىن ايتقان، ال حارريس تۋرالى ءدال وسىلاي ايتقاندار %37 دى قۇراپ وتىر. سايلاۋشىلار سونىمەن قاتار ۆيتسە- پرەزيدەنتتى ترامپقا قاراعاندا اقش پرەزيدەنتتىگىنە ينتەللەكتۋالدى جانە تەمپەرامەنتتى ۇمىتكەر دەپ سانايدى.

ايتا كەتەيىك، ا ق ش پرەزيدەنتتىگىنە ۇمىتكەرلەر كامالا حارريس پەن دونالد ترامپ 10-قىركۇيەكتە تەلەدەباتتا كەزدەسەدى.