ا ق ش اكسيالارى ترامپ جەڭىسى جاريالانعاننان كەيىن كوتەرىلدى

استانا. KAZINFORM - سارسەنبى كۇنى ا ق ش- تىڭ قور نارىعى كۇرت كوتەرىلىپ، پرەزيدەنتتىك سايلاۋدان كەيىنگى العاشقى ساۋدا كۇنىندە ايتارلىقتاي ءوسىم كورسەتتى، دەپ حابارلايدى ABC News.

Dow Jones Industrial Average يندەكسى %3,6 عا ءوستى. بۇل كورسەتكىش Dow ءۇشىن 2022 -جىلدان بەرى ەڭ جاقسى ساۋدا كۇنى بولدى. S P 500 يندەكسى %2,5 عا، ال Nasdaq يندەسى %3 عا جۋىق ءوستى.

دونالد ترامپتىڭ Trump Media Technology مەديا كومپانياسىنىڭ اكسيالارى 6 پايىزعا ءوسىپ، ءبىر اكسيا ءۇشىن 36 دوللاردى قۇرادى.

ترامپتىڭ وداقتاسى يلون ماسك باسقاراتىن Tesla كومپانياسىنىڭ اكسيالارى سارسەنبىدە شامامەن %14,5 قىمباتتادى.

دونالد ترامپ سارسەنبى كۇنى تاڭەرتەڭ فلوريدادا ساحناعا شىققاندا، ا ق ش ۆاليۋتاسى نىعايا ءتۇستى. ا ق ش دوللارىنىڭ يندەكسى شامامەن %1,4 عا ءوسىپ، تامىز ايىنىڭ باسىنان بەرى بولماعان دەڭگەيگە جەتتى. 10 جانە 2 -جىلدىق قازىناشىلىق وبليگاتسيالار كىرىستىلىگى دە ءبىر تۇندە ءوستى.

سارسەنبىدە ازياداعى ساۋدا ارالاس بولدى، ويتكەنى حالىقارالىق نارىقتار سايلاۋ ناتيجەلەرىن قورىتتى. جاپوندىق Nikkei ءبىر كۇندە %2,61 عا قىمباتتادى، ال شانحايلىعى ءىس جۇزىندە وزگەرىسسىز نەبارى %0,09 عا تومەندەپ جابىلدى. گونكونگتىڭ Hang Seng يندەكسى جابىلۋ ساتىندە %2,23 عا تومەندەدى.

ۇلى بريتانيانىڭ FTSE 100 يندەكسى سارسەنبى كۇنى تاڭەرتەڭ كوتەرىلىپ، اشىلۋدان كەيىن %1,43 شاماسىندا كوتەرىلدى. نەمىستىڭ DAX ى تاڭعى ساۋدادا شامامەن %1,3 عا كوتەرىلىپ، ۇقساس ءوسىم كورسەتتى.

بۇعان دەيىن حابارلانعانداي، ا ق ش- تىڭ بۇرىنعى پرەزيدەنتى دونالد ترامپ سايلاۋدا جەڭىسكە جەتىپ، اق ۇيگە ورالدى. وعان بەرىلگەن داۋىستار سانى باستى قارسىلاسى كامالا حارريستەن باسىم ءتۇستى.

ەۋروپارلامەنت فراكسياسىنىڭ تەڭ ءتوراعالارى ترامپتى جەڭىسىمەن قۇتتىقتادى.

مەملەكەت باسشىسى قاسىم-جومارت توقايەۆ امەريكا قۇراما شتاتتارى پرەزيدەنتىنىڭ سايلاۋىندا ايقىن جەڭىسكە جەتكەن دونالد ترامپقا قۇتتىقتاۋ جەدەلحاتىن جولدادى.