ءبيبىسارا اساۋبايەۆا ءۇندىستانداعى تۋرنيردىڭ 9-تۋرىنان كەيىن ءبىرىنشى ورىندا كەلەدى

نيۋ-دەلي. قازاقپارات - ءۇندىستاننىڭ نيۋ-دەلي قالاسىندا ايەلدەر اراسىنداعى فيدە گران-پريىنىڭ 9-راۋندىنىڭ بارلىق ويىندارى اياقتالدى، دەپ حابارلايدى قازاقپارات championat.com رەسۋرسىنا سىلتەمە جاساپ.

جارىستىڭ كوشباسشىسى - قازاقستاندىق ءبيبىسارا اساۋبايەۆا گرۋزيالىق نانا دزاگنيدزەمەن تەڭ ءتۇستى.

سونداي-اق، ءۇندىستاندىق رامەشبابۋ ۆايشالي مەن حامپي كونەرۋ اراسىندا وتكەن ويىندا كىم مىقتى ەكەنى انىقتالمادى.

رەسەيلىك الەكساندرا گورياچكينا اق فيگۋرالارمەن ءۇندىستاندىق حاريكا دروناۆالليدى جەڭدى.

تاعى ءبىر رەسەيلىك شاحماتشى پولينا شۋۆالوۆا گرۋزيالىق نينو باتسياشۆيليدەن جەڭىلىپ قالدى.

9-تۋردان كەيىن قاتىسۋشىلاردىڭ پوزيتسياسى:

1. اساۋبايەۆا ءبيبىسارا - 8 ۇپايدان 5,5 ۇپاي.

2. الەكساندرا گورياچكينا – 7 دەن 5.

3. چجۋ تسزينەر – 7 دەن 4,5.

4. ەكاتەرينا لاگنو – 7 دەن 4.

5- 6. پولينا شۋۆالوۆا، حامپي كونەرۋ – 7 دەن 3,5.

7. حاريكا دروناۆاللي – 7 دەن 3.

8. نينو باتسياشۆيلي – 7 دەن 2,5.

9. نانا دزاگنيدزە – 8 دەن 2,5.

10. رامەشبابۋ ۆايشالي – 7 دەن 2.

ءبيبىسارا تۋرنيردە ءبىر-اق رەت الەكساندرا گورياچكينادان جەڭىلگەن ەدى، تۋرنيرلىك كەستەدە وسى سپورتشىدان جارتى ۇپاي الدا كەلەدى.

بۇل رەتتە قازاقستاندىق شاحماتشىنىڭ الدا ءبىر ماتچى بار، رەسەيلىك شاحماتشى ءالى ەكى ماتچ وتكىزەدى.

تۋرنير 5- ساۋىردە اياقتالادى، دەپ حابارلايدى «شرەدينگەر سپورتى» Telegram ارناسىنان.