رەسەي امەريكاندىق باسكەتبولشى ايەلدى 9 جىلعا تۇرمەگە جاپتى
سوت اتلەتتى ەسىرتكى تاسىدى دەپ تانىدى.
31 جاستاعى گراينەر بيىل اقپان ايىندا ماسكەۋدەگى شەرەمەتيەۆو اۋەجايىندا ۇستالعان. ونىڭ سومكەسىنەن ناشا مايى تابىلعان. بۇل زاتقا رەسەيدە تىيىم سالىنعان، ءبىراق ا ق ش-تىڭ ءبىرقاتار شتاتىندا رۇقسات ەتىلگەن.
گراينەر ەكاتەرينبۋرگتەگى باسكەتبول كلۋبىندا ويناعان. ول ا ق ش قۇراماسى ساپىندا ەكى مارتە وليمپيادا چەمپيونى اتانعان. ا ق ش مامىر ايىندا گراينەردى «زاڭسىز ۇستالدى» دەپ تانىپ، ونىڭ ءىسىن پرەزيدەنتتىڭ كەپىلگە الىنعاندار ءىسى جونىندەگى ارنايى ەلشىسىنە جولدادى.
رەسەي مەن ا ق ش گراينەر مەن رەسەيدە سوتتالعان تاعى ءبىر امەريكالىق پول ۋيلاندى قۇراما شتاتتاردا قاماۋدا وتىرعان رەسەيلىكتەرگە ايىرباستاۋدى تالقىلاپ ءجۇر. ۆاشينگتون ولاردى كولۋمبيالىق بۇلىكشىلەرگە قارۋ ساتۋعا ارەكەتتەنگەنى ءۇشىن 25 جىلعا سوتتالعان رەسەيلىك ۆيكتور بۋتقا ايىرباستاۋدى ۇسىنعان.
Bloomberg اگەنتتىگىنىڭ حابارلاۋىنشا، ماسكەۋ گراينەردى عانا بۋتقا نەمەسە ەكى ادامدى ەكى ادامعا ايىرباستاعىسى كەلەدى.
