الماتى وبلىسىندا 9 جاستاعى بالانى ءيت قاۋىپ الدى

تالدىقورعان. قازاقپارات - الماتى وبلىسىندا 9 جاستاعى بالانى يت قاۋىپ الدى. بالا اۋرۋحانادا جاتىر، - دەپ حابارلايدى قازاقپارات ءتىلشىسى.
None
None

«وقيعا 22-ءساۋىر كۇنى كەشكى ساعات 19:00 شاماسىندا بولدى. ناقتى مەكەنجايى جامبىل اۋدانىنا قاراستى اقسەڭگىر اۋىلى، اتاجۇرت كوشەسى 29-ءۇي. اتالعان تۇرعىن ءۇيدىڭ اۋلاسى قورشالماعان. بوس جۇرگەن ءيت 9 جاستاعى ءشارىپجان حاليفانى قاۋىپ العان. جەدەل جاردەم بالانىڭ جاراقاتىن تاڭىپ، الماتى قالاسىنداعى №1-بالالار اۋرۋحاناسىنا جەتكىزدى. قازىرگى ۋاقىتتا ونىمەن بىرگە اناسى ماقپال المانوۆا اۋرۋحانادا جاتىر. دارىگەرلەر بالانىڭ جاعدايى تۇراقتى ەكەنىن ايتتى. بالا اقىلى بولىمدە ەم الىپ جاتىر. اقسەڭگىر اۋىلىنىڭ تۇرعىندارى، ەرىكتىلەرى كوپبالالى وتباسىنا كومەك قولىن سوزىپ، ۇيىمشىلدىق تانىتۋدا. اۋىل اكىمى ەرجان قاسىمشالوۆ كوپبالالى وتباسىنا قارجىلاي كومەكتەسەتىن بولدى. بالانى قاۋىپ العان ءيت 23-ساۋىردە ۇستالىپ، ۇزىناعاش اۋىلىنىڭ ۆەتەرينارلىق ستانسياسىنا قامالدى»، - دەدى جامبىل اۋدانى اكىمىنىڭ باسپا ءسوز حاتشىسى باقتيار ايتالى.

ۆەدومستۆو وكىلىنىڭ ايتۋىنشا، بيىل اۋىل تۇرعىندارىنىڭ ءوتىنىشى بويىنشا ارنايى قىزمەتكەر يتتەردى اۋلاۋ جۇمىستارىن جۇرگىزگەن. ناتيجەسىندە جامبىل اۋدانىندا 469 ءيت، وقيعا بولعان اقسەڭگىر اۋىلىندا 30 قاڭعىباس ءيت اۋلانعان.

اۆتور: سامال قابىشەۆا


سوڭعى جاڭالىقتار