قازاقستاندا تاراتىلىپ جاتقان 9 بانكتىڭ سالىمشىلارى قاراجاتىن قاشان الاتىنى ايتىلدى

نۇر-سۇلتان. قازاقپارات - قازاقستاندا 9 بانك تاراتىلىپ جاتىر. اتالعان بانكتىڭ سالىمشىلارى وزدەرىنە تيەسىلى قاراجاتىن 3-شىلدەگە دەيىن الا الادى.

بۇل تۋرالى قازاقپارات قازاقستاننىڭ دەپوزيتتەرگە كەپىلدىك بەرۋ قورىنا سىلتەمە جاساپ حابارلايدى.

تاراتىلىپ جاتقان بانكتەردىڭ سالىمشىلارىنا كەپىلدىك بەرىلگەن وتەم سوماسىنىڭ %98 دان استامى تولەنگەن. بۇل شامامەن 113,1 ميلليارد تەڭگەنى قۇرايدى. قازاقستاننىڭ دەپوزيتتەرگە كەپىلدىك بەرۋ قورى كەپىلدىك بەرىلگەن وتەمدى تولەۋ جانە تالاپ ەتىلمەگەن وتەم سومالارىن ءبىرىڭعاي جيناقتاۋشى زەينەتاقى قورىنا اۋدارۋ ءتارتىبىن ءتۇسىندىردى.

«تاراتىلاتىن سەگىز بانكتىڭ سالىمشىلارى وزدەرىنە تيەسىلى وتەم اقشالاردى سوڭعى كۇنىن قوسا العاندا 2022 -جىلدىڭ 1-مامىرىنا دەيىن الا الادى.

بۇل «ۆاليۋت- ترانزيت بانك» ا ق، «قازينۆەستبانك» ا ق، «Delta Bank» ا ق، «ەكسيمبانك قازاقستان» ا ق، «Qazaq Bankى» ا ق، «استانا بانكى» ا ق، «Tengri Bank» ا ق جانە «AsiaCredit Bank (ازياكرەديت بانك)» ا ق سالىمشىلارى. «Capital Bank Kazakhstan» ا ق ليتسەنزياسىنان كەيىنىرەك ايىرىلعاندىقتان، ونىڭ سالىمشىلارىنىڭ كەپىلدىك بەرىلگەن وتەمدى سوڭعى كۇنىن قوسا العاندا بيىلعى جىلدىڭ 3-شىلدەسىنە دەيىن الۋعا مۇمكىندىكتەرى بار»، - دەلىنگەن حابارلامادا.

وتەم الۋعا ءوتىنىشتى ءداستۇرلى تاسىلمەن دە تولەمدەردىڭ ەلەكتروندىق پورتالى (ت ە پ) ارقىلى ونلاين تۇرىندە دە بەرۋگە بولادى. تولەم مەرزىمى اياقتالعان سوڭ، تالاپ ەتىلمەگەن وتەم سومالارى سالىمشىلاردىڭ ب ج ز ق- دا اشىلعان، ەرىكتى زەينەتاقى جارنالارىن ەسەپكە الۋعا ارنالعان جەكە زەينەتاقى شوتتارىنا اۋدارىلادى.

تاراتىلاتىن سەگىز بانكتىڭ كليەنتتەرى وتەم اقشالارىنىڭ ب ج ز ق- عا اۋدارىلۋىن اعىمداعى جىلدىڭ 31-مامىرىنا دەيىن ، ال «Capital Bank Kazakhstan» ا ق سالىمشىلارى 2-تامىزعا دەيىن كۇتە الادى. ال تولەم مەرزىمىن دالەلدى سەبەپتەرمەن وتكىزىپ العان سالىمشى جازباشا وتىنىشپەن قورعا تىكەلەي جۇگىنە الادى.