9 بالاسى بار اقتاۋلىق وتباسى قايىرىمدىلىقپەن اينالىسادى
اقتاۋلىق ساكەن مەن گاۋھار ەشمۇحانوۆتار 2001 -جىلى وتباسى قۇرعان. سودان بەرى جاس وتباسىنىڭ توعىز پەرزەنتى ومىرگە كەلدى. 4 ۇل مەن 5 قىز تاربيەلەپ وتىرعان ەرلى- زايىپتىنىڭ تۇڭعىشتارى 19 جاستا. كەنجەسى 9 ايلىق. ونىڭ ىشىندە قاتار ءوسىپ كەلە جاتقان ەگىز ۇلى مەن قىزى بار. بۇگىندە كوپبالالى وتباسى 10- ءسابيىن كۇتۋدە.
بالا تاربيەسىنەن بولەك، ءار ءتۇرلى سالانى مەڭگەرگەن گاۋھار ەشمۇحانوۆا ونەردەن دە كەندە ەمەس. مەرەكەلىك جيىنداردا ءان سالادى.
«بالا تاربيەسىندە ەنەم مەن ۇلكەن قىزدارىمنىڭ كومەگى زور. وسى جاقىندارىمنىڭ ارقاسىندا وزىمە دە ۋاقىت تاۋىپ ءجۇرمىن. بالا بالانى باعادى دەگەندەي، شۇكىر كوز الدىمدا ءوسىپ كەلە جاتىر. ءقازىر قىزدارىما ءۇي شارۋاسىن سەنىپ تاپسىرا الامىن»، - دەيدى گاۋھار ەشمۇحانوۆا.
سونىمەن قاتار، ەشمۇحاناۆتور وتباسى قايىرىمدىلىقپەن اينالىسىپ، كوپبالالى وتباسىلارعا كومەك قولىن سوزىپ تۇرادى.
