ەل اۋماعىنىڭ باسىم بولىگىندە 9- قىركۇيەكتە جەل كۇشەيىپ، جاڭبىر جاۋادى
كەي جەرلەردە جاڭبىرمەن بىرگە نايزاعاي كۇتىلەدى، جەل كۇشەيىپ، بۇرشاق جاۋۋى ىقتيمال، وڭتۇستىكتە - داۋىل، سولتۇستىك-باتىستا، سولتۇستىكتە، ورتالىقتا جانە شىعىستا تۇمان ءتۇسۋى ىقتيمال.
تەك باتىستا عانا كۇن اشىق، دەپ حابارلايدى قازاقپارات.
«قازگيدرومەت» ر م ك مالىمەتىنشە، قاراعاندى، شىعىس قازاقستان، اقمولا وبلىستارىنىڭ كەي جەرلەرىندە نايزاعاي، تۇندە جانە تاڭەرتەڭ تۇمان كۇتىلەدى، كۇندىز جەل 15-20 م/س كۇشەيەدى، قاراعاندى جانە اقمولا وبلىستارىندا بۇرشاق جاۋۋى ىقتيمال.
جامبىل، تۇركىستان، قىزىلوردا وبلىستارىنىڭ كەي جەرلەرىندە نايزاعاي جارقىلداپ، تاڭەرتەڭ جانە كۇندىز جەلدىڭ جىلدامدىعى 15-20 م/س كۇشەيەدى.
تۇركىستان جانە قىزىلوردا وبلىستارىندا داۋىل، جامبىل وبلىسىندا بۇرشاق جاۋۋى ىقتيمال.
الماتى، قوستاناي، وبلىستارىنىڭ كەي جەرلەرىندە نايزاعاي، جەل 15-20 م/س، قوستاناي وبلىسىندا - تۇمان. سولتۇستىك قازاقستان، پاۆلودار وبلىستارىنىڭ كەي جەرلەرىندە نايزاعاي، تۇمان كۇتىلەدى.
تۇركىستان، اتىراۋ، قىزىلوردا، جامبىل وبلىستارىندا، قاراعاندى وبلىسىنىڭ كەي جەرلەرىندە، اقتوبە وبلىسىنىڭ وڭتۇستىگىندە، الماتى وبلىسىنىڭ جەكەلەگەن اۋدانىندا وتە جوعارى ءورت قاۋپى ساقتالادى.
