سينوپتيكتەردىڭ 9- شىلدە كۇنگى اۋا رايى بولجامى
تەك باتىستا، وڭتۇستىكتە جانە وڭتۇستىك-باتىستا جاۋىن-شاشىنسىز كۇن رايى كۇتىلەدى. رەسپۋبليكانىڭ كەي جەرلەرىندە جەل كۇشەيىپ، شاڭدى داۋىل تۇرادى. سولتۇستىكتە تۇندە جانە تاڭەرتەڭ تۇمان بولجانادى، دەپ حابارلايدى قازاقپارات «قازگيدرومەت» ر م ك- عا سىلتەمە جاساپ.
اتاپ ايتقاندا، باتىس قازاقستان مەن سولتۇستىك قازاقستان وبلىستارىنىڭ كەي جەرلەرىندە نايزاعاي وينايدى. كۇندىز كەي جەرلەرىندە شاڭدى داۋىل تۇرىپ، 15-20 م/س ەكپىندە جەل سوعادى، بۇرشاق بولۋى مۇمكىن. سولتۇستىك قازاقستان وبلىسىنىڭ تۇندە جانە تاڭەرتەڭ كەي جەرلەرىندە تۇمان كۇتىلەدى.
قىزىلوردا وبلىسىندا تاڭەرتەڭ جانە كۇندىز كەي جەرلەرىندە نايزاعاي، داۋىل، 15-20 م/س جىلدامدىقتا جەل كۇتىلەدى.
اقتوبە، قوستاناي وبلىستارىنىڭ كەي جەرلەرىندە نايزاعاي، 15-20 م/س ەكپىندە جەل كۇتىلەدى. قوستاناي وبلىسىندا بۇرشاق جاۋۋى مۇمكىن.
شىعىس قازاقستان، اقمولا وبلىستارىندا، كۇندىز قاراعاندى وبلىسىنىڭ كەي جەرلەرىندە نايزاعاي وينايدى. اقمولا وبلىسىندا كۇندىز بۇرشاق بولۋى مۇمكىن.
ال الماتى، جامبىل، تۇركىستان، قىزىلوردا، قاراعاندى وبلىستارىندا قاتتى ىستىق كۇتىلەدى، كەي جەرلەردە وتە قاتتى ىستىق بولادى.
ماڭعىستاۋ، اتىراۋ، باتىس قازاقستان، اقتوبە وبلىستارىنىڭ باسىم بولىگىندە، شىعىس قازاقستان، اقمولا، قوستاناي وبلىستارىنىڭ كەي جەرلەرىندە قاتتى ىستىق كۇتىلەدى.
سونداي-اق اتىراۋ، ماڭعىستاۋ، قىزىلوردا وبلىستارىندا، باتىس قازاقستان، اقتوبە، تۇركىستان وبلىستارىنىڭ كەي جەرلەرىندە جوعارى ءورت قاۋپى ساقتالادى.
