سينوپتيكتەردىڭ 9 -اقپانعا ارنالعان اۋا رايى بولجامى

استانا. قازاقپارات - اتموسفەرالىق فرونتتاردىڭ وتۋىنە بايلانىستى 9 -اقپان كۇنى رەسپۋبليكانىڭ سولتۇستىگى مەن شىعىسىندا ازداعان قار كۇتىلەدى.

قازاقستاننىڭ باسقا وڭىرلەرىندە جاۋىن-شاشىنسىز اۋا رايى ساقتالادى. كەي جەرلەردە تۇمان ءتۇسىپ، جەل كۇشەيەدى، دەپ حابارلايدى قازاقپارات «قازگيدرومەت» ر م ك- عا سىلتەمە جاساپ.

اتاپ ايتقاندا، جامبىل،  قىزىلوردا، شىعىس قازاقستان وبلىستارىنىڭ كەي جەرلەرىن تۇمان باسىپ، جەلدىڭ كۇشى 15-23 م/س ارتادى.

ماڭعىستاۋ، باتىس قازاقستان وبلىستارىندا كۇندىز جەكەلەگەن جەرلەردە جەلدىڭ ەكپىنى 15-20 م/س كۇشەيەدى.

سولتۇستىك قازاقستان، اقمولا، پاۆلودار، قوستاناي، قاراعاندى، وڭتۇستىك قازاقستان وبلىستارىنىڭ جەكەلەگەن اۋماقتارىندا تۇمان كۇتىلەدى.

تۇندە الماتى وبلىسىنىڭ كەي جەرلەرىندە تۇمان بولجانادى، جالاڭاشكول اۋدانىندا جەلدىڭ جىلدامدىعى 18-23 م/س جەتەدى.