07:43, 23 - تامىز 2017 | GMT +6
ماسكەۋدە ماس قىز 9-قاباتتان قۇلاپ، امان قالدى
استانا. قازاقپارات - رەسەي استاناسىندا ىشىمدىككە سىلقيا تويعان مەكتەپ وقۋشىسى 9 -قاباتتىڭ تەرەزەسىنەن قۇلاپ، امان قالدى.
ونىڭ تەك قابىرعاسى عانا سىنعان، دەپ حابارلادى بۇگىن lenta.ru.
وسى وقيعاعا قاتىستى تاراعان مالىمەتتەردە 15 جاستاعى قىزدىڭ اتا-اناسىمەن جانجالداسىپ قالعاندىعى ايتىلادى. سپيرتتى ىشىمدىك ىشكەنىن بىلگەن قىزدىڭ اتا-اناسى ونى جازالاماق بولىپ، بولمەگە قاماپ قويعان. ءۇيقاماقتا وتىرعىسى كەلمەگەن وقۋشى تەرەز ارقىلى دوستارىنا بارماق بولعان. الايدا، ول ماقساتىنا جەتە الماي قۇلاپ كەتكەن.
تەرەزەنىڭ ماڭىندا ءوسىپ تۇرعان اعاشتار قىزدىڭ جەرگە بار سالماعىمەن قۇلاۋىنا كەدەرگى بولعان. ءسويتىپ قىز اۋىر جاراقات العان جوق.
شىلدە ايىندا ۇيدە شىققان ورتتەن قاشپاق بولعان ماسكەۋلىك ازامات تا 9-قاباتتان سەكىرىپ كەتىپ، امان قالدى.