16:48, 02 - ماۋسىم 2017 | GMT +6
ءۇندىستاندا 9 ادامدى ولتىرگەن ءپىلدى قايتا تارتىپكە سالماق
استانا. قازاقپارات - ءۇندىستاننىڭ كەرالا شتاتىندا 9 ادامدى ولتىرگەن 40 جاستاعى ءپىلدى ۇستادى، دەپ حابارلادى Daily Mirror باسىلىمى.
جەرگىلىكتى تۇرعىندارعا ءۇش جىل بويى شابۋىلداپ كەلگەن انالىق ءپىلدى پالگحات وكرۋگىندەگى وزەن ماڭىنان تاپتى. ورمان باسشىسى مەن 4 ۆەتەرينار ۇيرەتىلگەن پىلگە ءمىنىپ ونىڭ ىزىنە ءتۇسىپ تاۋىپ، قاۋىپسىز جەرگە ايداپ اپاردى. وعان تىنىشتاندىراتىن ءدارى ەگىلدى. «وپەراتسيا 3.00 دە باستالدى، - دەدى ۆەتەرينار ارۋن زاحاريا (ARun Zachariah) . - ءبىرىنشى ءدارى 7.00 دە ەگىلدى، 9.00 دە ءپىلدى جۇك كولىگىنە تيەدى. ونى تاربيەلەۋ ءۇشىن كوداناد جانۋارلاردى ۇيرەتۋ ورتالىعىنا جەتكىزدى. ءپىلدىڭ العاشقى قۇربانى 2014 - جىلى ولتىرىلگەن فەرمەر بولدى. 2017 -جىلعى ناۋرىزدا ول ايەلدى تاپتاپ كەتتى، ساۋىردە ونىڭ شابۋىلداۋىنان ەر ادام كوز جۇمدى. ءپىل بارلىعى 9 ادامدى ءولتىرىپ، ەكى ادامدى جاراقاتتاعان.