قانات يسلامنىڭ كەزەكتى قارسىلاسى رەيتينگىدە وزىنەن 9 ساتى جوعارى تۇر

استانا. قازاقپارات - ءبىرىنشى ورتا سالماقتا WBO Intercontinental جانە WBA Fedelatin بەلبەۋلەرىنىڭ يەگەرى قازاقستاندىق كاسىپقوي بوكسشى قانات يسلام (23-0,19ك و) 26 - مامىر كۇنى ا ق ش- تىڭ فلوريدا قالاسىندا كەزەكتى جەكپە- جەگىن وتكىزەدى.

boxrec.com سايتى قاناتتىڭ مەكسيكالىق نوربەرتو گونسالەسكە (23-8,13ك و) قارسى جەكپە- جەگىنىڭ دەڭگەيىن 3  - جۇلدىزعا باعالادى.

 boxRec پورتالىنىڭ الەمدىك رەيتينگىندە قانات ءبىرىنشى ورتا سالماقتا 55 ۇپايمەن 55- ورىندا تۇرسا، گونسالەس 59 ۇپايمەن 46- ورىندا تۇر. ال بۇل قاناتتىڭ العاشقى 3 - جۇلدىز دەڭگەيىندەگى جەكپە- جەگى بولماق. 12 راۋندقا جوسپارلانعان بەلدەسۋدىڭ جەڭىمپازى WBO تۇجىرىمى بويىنشا NABO جانە WBA تۇجىرىمىنىڭ ايماقتىق Intercontinatal بەلبەۋىن قانجىعاسىنا بايلايتىن بولادى. سونداي- اق، boxRec رەيتينگى جوعارلايدى.

ايتا كەتەيىك، ءبىرىنشى ورتا سالماقتا  1798 كاسىپقوي بوكسشى ونەر كورسەتەدى. گەننادي گولوۆكيننىڭ قارسىلاسى ساۋل الۆارەس وسى سالماقتىڭ الەمدىك رەيتينگىنەن كوش باستاپ تۇر، ونىڭ ەنشىسىندە  1358 ۇپاي بار.

بۇعان دەيىن التى سالماق ساناتىندا وتەتىن بوكس كەشىنە جارتىلاي ورتا سالماقتاعى قازاقستاندىق بوكسشى جانقوش تۇراروۆ (20-0, 14 ك و) مەكسيكالىق گۋستاۆو گاريبايمەن (13-8-2, 5 ك و) جۇدىرىقتاساتىنى بەلگىلى بولدى. بوكس كەشىن «قازاقستان» جانە «Kazsport» ارنالارى تىكەلەي ەفيردە كورسەتەدى.

 

اۆتور: مۇحتار قاليموللا ۇلى