قاراعاندى وبلىسىنداعى وپىرىلعان تۇرعىن ءۇيدىڭ استىنان 9 ادامنىڭ ءمايىتى شىعارىلدى

استانا. قازاقپارات - شاحتينسك قالاسىنا قاراستى شاحان كەنتىندە وپىرىلعان كوپ قاباتتى تۇرعىن ءۇيدىڭ ۇيىندىلەرى ارشىلىپ جاتىر.

قازىر ءۇيىندى استىنان كوز جۇمعان 9 ادامنىڭ دەنەسى شىعارىلدى، دەپ حابارلايدى ق ر ءى ءى م ت ج ك- نىڭ رەسمي وكىلى رۋسلان يمانقۇلوۆ. «قازىرگى ۋاقىتتا ءۇيىندى استىنان  كوز جۇمعان 9 ادامنىڭ دەنەسى ارشىپ الىندى. ونىڭ ۇشەۋى ەر ادام، ۇشەۋى ايەل، ۇشەۋى بالا. بالانىڭ بىرەۋى 2016 -جىلعى، ەكىنشىسى 2010 -جىلعى»، - دەپ ءمالىم ەتتى يمانقۇلوۆ. ۇيىندىلەردى تازارتۋعا 280 ادام جۇمىلدىرىلعان، ولاردىڭ قاتارىندا قۇتقارۋشىلار، پوليتسيا قىزمەتكەرلەرى، جەرگىلىكتى اتقارۋشى ورگاندار، جەدەل مەديتسينالىق جاردەم بريگاداسى، ۇلتتىق ۇلاننىڭ 52859-اسكەري ءبولىمىنىڭ اۋىر تەحنيكاسى جانە جەكە كاسىپكەرلەر بار.

بۇعان دەيىن حابارلانعانداي قاراعاندى وبلىسى شاحتينسك قالاسىنا قاراستى شاحان كەنتىندەگى تۇرعىن ءۇيدىڭ قۇلاۋ وقيعاسىنا قاتىستى شاحان كەنتى اكىمدىگى قاسىنان شۇعىل جەلى اشىلدى: 87215632417.

ەسكە سالا كەتەيىك، 1 -قاڭتار كۇنى 22:40-تا قاراعاندى وبلىسى ت ج د قۇتقارۋ بولىمىنە شاحتينسك قالاسى شاحان اۋىلىنداعى كوپقاباتتى ءۇيدىڭ ءبىر بولىگى وپىرىلىپ تۇسكەنى تۋرالى قوڭىراۋ شالىنعان. وقيعا ورنىنا شۇعىل تۇردە ت ج د قۇتقارۋشىلارى جونەلتىلىپ، تۇرعىندار ەۆاكۋاتسيالاندى. اۋەلى 1 ادامنىڭ ءمايىتى ءۇيىندى استىنان شىعارىلعان بولاتىن. كەيىن ەكىنشى تۇرعىننىڭ دەنەسى ءۇيىندى استىنان تابىلدى.