09:13, 20 - جەلتوقسان 2016 | GMT +5
بەرليندە جۇك كولىگى قالىڭ جۇرتتىڭ اراسىمەن ءجۇرىپ ءوتتى: 9 ادام قازا بولدى - فوتو، كەسكىن
بەرلين. قازاقپارات - دۇيسەنبى كۇنى بەرليندە جۇك كولىگى برايتشايدپلاتس الاڭىندا ورنالاسقان روجدەستۆولىق ساۋدا بازارىنا سوعىلدى، دەپ حابارلايدى «قازاقپارات» ح ا ا- نىڭ مەنشىكتى ءتىلشىسى.
«ءبىز توعىز ادامنىڭ مەرت بولعانىن راستاي الامىز، جاراقاتتانعاندار كوپ. ءبىزدىڭ ارىپتەستەر قازىر برايتشايدپلاتس الاڭىندا»، - دەپ جازدى پوليتسيا قىزمەتى Twitter- دەگى اككاۋنتىندا.
كۇش قۇرىلىمدارى بارلىق نۇسقانى قاراستىرۋدا، سونىڭ ىشىندە لاڭكەستىك اكتىنى دە. وقيعاعا كۋا بولعانداردىڭ ايتۋىنشا، جۇك كولىگى بۇكىل الاڭ بويىمەن ءجۇرىپ ءوتىپ، شىرشانىڭ جانىنا كەلىپ توقتاعان. قازاقستان رەسپۋبليكاسىنىڭ گەرمانياداعى ەلشىلىگى زارداپ شەككەندەردىڭ اراسىندا ق ر ازاماتتارى بار-جوعىن انىقتاۋ ۇستىندە.
بىرنەشە ساعاتتان كەيىن بەرلين پوليتسياسى Twitter ميكروبلوگىندا: «كۇدىكتى ۇستالدى. قازىر ونىڭ جۇك كولىگىنىڭ تىزگىنىندە بولعانى، نە بولماعانى انىقتالۋدا»، - دەپ جازدى. ينتەرنەتتە وقيعا ورنىنان تۇسىرىلگەن العاشقى ۆيدەولار پايدا بولا باستادى.
