11:15, 31 - قاڭتار 2016 | GMT +5
يلون ماسك 9 جىلدان كەيىن مارسقا العاشقى ادامداردى اتتاندىرماق
استانا. قازاقپارات - امەريكاندىق SpaceX كومپانياسىنىڭ نەگىزىن قالاۋشى يلون ماسك العاشقى ادامدى مارسقا 2025 -جىلى اتتتاندىرۋ جوسپارى تۋرالى مالىمدەدى، دەپ حابارلادى ر ي ا نوۆوستي.
«مارسقا العاشقى ۇشۋلارعا قاتىستى - ءبىز مۇنى 2020-2025 -جىلدارى، شامامەن توعىز جىلدان كەيىن ىستەي الامىز»، - دەدى ماسك گونكونگتاعى فورۋمدا سويلەگەن سوزىندە SpaceX كومپانياسىنىڭ ادامداردى عارىشقا ۇشىرۋ تۋرالى سۇراقتارىنا جاۋاپ قايتارا وتىرىپ. ونى ترانسلياتسيالاۋ فورۋم سايتىندا جۇرگىزىلدى.
«مەن ءۇشىن توعىز جىلدىڭ ءوزى وتە كوپ»، - دەپ اتاپ ءوتتى ماسك جۋرناليستىڭ وسىنداي وراسان زور جوباعا وتە از ۋاقىت بەرىلىپ وتىرعان جوق پا، دەگەن سۇراعىنا وراي. ماسكتىڭ ءوزى عارىشقا شامامەن 5 جىلدان كەيىن ۇشۋدى جوسپارلاپ وتىرعانىن اتاپ ءوتتى.
بۇدان بۇرىن NASA ماماندارى 2030 -جىلعا قاراي ادامداردىڭ مارسقا اتتانۋ ەكسپەديتسياسى مۇمكىندىگى تۋرالى ءمالىم ەتكەن بولاتىن.
