10:27, 08 - ماۋسىم 2017 | GMT +5
بەيجىڭدە 99 ميلليون جىل بۇرىنعى بالاپان كورسەتىلدى- فوتو
استانا. قازاقپارات - ق ح ر جانە ا ق ش پالەونتولوگتار توبى قىتاي استاناسىندا شامامەن 99 ميلليون جىل بۇرىن كارىپتاسپەن قاتىرىلعان تاريحقا دەيىنگى كەزەڭدەگى بالاپاندى العاش رەت كورسەتتى.
بۇل تۋرالى SINA اقپاراتتىق پورتالى حابارلادى.
ەجەلگى قۇستىڭ بىرەگەي ۇلگىسى 2016 -جىلى ميانمانىڭ وڭتۇستىگىندە تابىلدى، الايدا ونىڭ ۋاقىتىن انىقتاۋ ءۇشىن عالىمدار ايلاپ ەڭبەك ەتتى. بالاپاننىڭ ۇزىندىعى 6 م م، شايىر قاباتى ارقىلى ونىڭ باسى، موينى، قاناتى، اياقتارى، قۇيرىعى، جۇمساق تىندەرى - تەرىسى مەن قاۋىرسىنىن كورۋگە بولادى.
«بىزگە تاريحقا دەيىنگى قاناتتىلاردى زەرتتەۋدىڭ اسا سيرەك مۇمكىندىگى بۇيىردى. ءارى قۇستىڭ قۇلاق تەسىگى، كوزى، اياعىنداعى قابىرشاعى دا جاقسى ساقتالعان»، - دەپ ءتۇسىندىردى جۋرناليستەرگە قازىلعان ۇلگىنىڭ قۇندىلىعىن لوس- اندجەلەستەگى جاراتىلىس تاريحى مۇراجايىنىڭ قىزمەتكەرى لۋيس چياپپە. امەريكالىق عالىمنىڭ ايتۋىنشا، قۇس بىرنەشە اپتالىق كەزىندە كارىپتاس شايىرىنا باتىپ قالعان.
