قاراعاندىلىق 96 جاستاعى قاريا سايلاۋ ۋچاسكەسىنە كەلىپ، داۋىس بەردى
قاراعاندى. قازاقپارات - قاراعاندى قالاسىنىڭ ەڭ قارت تۇرعىندارىنىڭ ءبىرى، سوعىس ارداگەرى، 96 جاستاعى بۇركىت ەسجانوۆ سايلاۋ ۋچاسكەسىنە جۇبايىمەن بىرگە كەلدى، دەپ حابارلايدى قازاقپارات ءتىلشىسى.
بۇركىت ەسجانوۆ كوگىلدىر توعاندار شاعىن اۋدانىنداعى №77 -ورتا ءبىلىم بەرۋ مەكتەبىنىڭ سايلاۋ ۋچاسكەسىندە داۋىس بەردى. ارداگەر ۋچاسكە بارلىق قاجەتتى قۇرالدارمەن جابدىقتالعانىن جانە وعان داۋىس بەرۋ جايلى بولعانىن اتاپ ءوتتى.
«بۇگىن ءبىزدىڭ رەسپۋبليكا ءۇشىن ۇلكەن مەرەكە - سايلاۋ كۇنى. جۇبايىمەن بىرگە كەلىپ، داۋىس بەردىك. ءبىز تاڭداعان ادام جۇمىسقا قابىلەتتى، حالىقتىڭ، ەڭبەكشىلەردىڭ وتىنىشتەرىنە مۇقيات بولاتىنىنا سەنىمدىمىن»، - دەدى بۇركىت ەسجانوۆ.
قاراعاندى وبلىسىنىڭ بارلىق سايلاۋ ۋچاسكەلەرى مۇمكىندىگى شەكتەۋلى ادامداردىڭ قاجەتتىلىكتەرىنە سايكەس جابدىقتالدى: ولار ءۇشىن داۋىس بەرۋگە ارنالعان جەكە كابينكالار ورناتىلدى جانە جاشىكتەرگە ىڭعايلى قول جەتكىزۋى ءۇشىن جاعداي جاسالدى.
كەيبىر ۋچاسكەلەردە بۋفەتتەر جۇمىس ىستەيدى.
حالىقارالىق جانە تاۋەلسىز ۇيىمداردىڭ اتىنان سايلاۋ بارىسىن باقىلاۋعا نيەت بىلدىرگەن بايقاۋشىلار ءۇشىن سايلاۋ ۋچاسكەلەرىندە قولايلى جاعداي جاسالدى.