جاسى 96 عا كەلگەن فرانسۋز ءومىرىنىڭ سوڭعى دەمىندە ديماشتى ءبىر كورۋدى ارمانداپ وتىر
ديماش قۇدايبەرگەننىڭ فاناتتارى اشقان dimash_updates Instagram پاراقشاسىندا فرانسيادان سالەمدەمە جولداعان ەدگار ەسىمدى ازاماتتىڭ حاتى جاريالاندى.
«ديماش، سىزگە انامنىڭ وقيعاسىن ايتىپ بەرگىم كەلەدى. مەنىڭ قارت انام ماماحي (96 جاستا) ءسىزدى قاتتى جاقسى كورەدى. راس ايتامىن. ول ماعان سوڭعى تىلەگىن ايتتى. جۇماققا اتتانباس بۇرىن ءسىزدىڭ ءان ايتقانىڭىزدى ءوز كوزىمەن كورگىسى كەلەدى... ول كۇنى-بويى ۇزاققا ءسىز تۋرالى جاڭالىقتاردى ايتىپ وتىرۋىمدى سۇرايدى. ءسىزدىڭ سوڭعى شىعارعان جاڭا اندەرىڭىزدى، جاڭا شىققان ۆيدەولارىڭىزدى جانە تاعىسىن تاعىلاردى. مەن وعان بۇل عاجايىپ شىندىققا اينالادى دەپ ۋادە بەردىم. مەن تەك جاراتۋشى ماعان بۇل ۋادەمدى ورىنداۋعا ءسال كومەكتەسىپ جىبەرەدى دەگەن ۇمىتتەمىن. قۇرمەتپەن، ەدگار (فرانسياداعى فرانسۋز ريۆەراسى، نيتستسا)»، - دەلىنگەن حاتتا.
بۇل حاتتاعى اقپاراتتىڭ قانشالىقتى شىنايى ەكەنى بەلگىسىز. دەگەنمەن، جەلى قولدانۋشىلارى حاتتاعى كەيىپكەرلەر شىنايى بولسا، قارت اجەنىڭ سوڭعى ارمانى ورىندالسا ەكەن دەگەن نيەت بىلدىرۋدە.
«ءتاڭىرىم قارت انانىڭ ارمانىن ورىنداپ، ديماش سول ادامدار تۇراتىن ايماققا كەلگەن! ەندى اناسى ديماشتى كورىپ، داۋىسىن ەستيتىن بولادى. وسى جاسقا كەلگەن انا مەنى تاڭ قالدىردى! ءوزىنىڭ ءومىر سۇيگىشتىگىمەن، ونەرگە، سۇلۋلىققا تانتىلىگىمەن. ارماندار ورىندالمايدى دەپ كىم ايتتى؟»، - دەپ جازعان جەلى قولدانۋشىلارىنىڭ ءبىرى.