دەنساۋلىق ساقتاۋ مينيسترلىگى حالىقتىڭ 95 پايىزىن ەكپەمەن قامتىماق

استانا. قازاقپارات - ق ر دەنساۋلىق ساقتاۋ مينيسترلىگى حالىققا الدىن الۋ ەكپە ەگۋگە قاتىستى سانيتارلىق-ەپيدەميولوگيالىق تالاپتاردى بەكىتتى، دەپ حابارلايدى قازاقپارات ءتىلشىسى adilet.zan.kz پورتالىنا سىلتەمە جاساپ.

اتالعان تالاپتارعا سايكەس، ق ر ۇكىمەتىنىڭ №2295 -قاۋلىسىمەن بەكىتىلگەن بالالار مەن جاسوسپىرىمدەردى مەرزىمىندە الدىن الۋ ەكپەلەرىمەن قامتۋدىڭ وڭتايلى مەرزىمى 95 پايىزدان تومەن دەڭگەيدى قامتيدى.

قۇجاتقا سايكەس، ءسابي جارىق دۇنيە ەسىگىن اشقاننان كەيىن 1-4 كۇننىڭ ىشىندە تۋبەركۋلەز (ب ت س ج) جانە «ۆ» ۆيرۋستى گەپاتيتىنە، 2 ايدان باستاپ پوليوميليت (و پ ۆ)، (ي پ ۆ)، كوكجوتەل، ديفتەريا، سىرەسپە (اكدس ابكدس)، b ءتيپتى گەموفيلدىك ينفەكسياعا (Hib) قارسى ەكپە الادى.