اقتوبەلىكتەردىڭ 93 پايىزى قازاق ءتىلىن بىلەدى

اقتوبە. قازاقپارات - اقتوبەلىكتەردىڭ باسىم بولىگى قازاق جانە ورىس تىلدەرىن جەتىك مەڭگەرگەن. ال وزگە ۇلت وكىلدەرىنىڭ 45 پايىزى مەملەكەتتىك ءتىلدى بىلەدى، دەپ حابارلادى قازاقپارات ءتىلشىسى.

 وڭىردەگى مەملەكەتتىك ءتىلدى ۇيرەتۋ، دامىتۋ جۇمىستارى جايلى اقتوبە وبلىستىق تىلدەردى دامىتۋ باسقارما مالىمەت تاراتتى. قازىرگى كەزدە ءتىلدى مەڭگەرەمىن دەگەن ەرەسەكتەر ءۇشىن بارلىق جاعداي جاسالعان. سونىمەن قاتار، قازاق، ورىس جانە اعىلشىن تىلدەرىن ۇيرەتۋ كۋرستارى 14 مىڭ ادامدى قامتىدى. ءارى قاشىقتىقتان وقىتۋ جۇيەسى ازىرلەندى.

 «وزگە ۇلت جاستارىنىڭ اراسىندا تولەرانتتى ورتا قۇرۋ ماقساتىندا مەملەكەتتىك جانە انا تىلدەرىن ۇيرەنۋگە تۇراقتى جۇمىس ىستەپ تۇر. بۇگىنگى كۇنى 4 مىڭعا جۋىق ءارتۇرلى ەتنوس وكىلى جەكسەنبىلىك مەكتەپتەردە ءبىلىم الدى. وبلىسىمىزدا تۇراتىن جوعارى بۋىن وكىلدەرىنىڭ % 93 - قازاق، % 93,8  - ورىس، % 26,6 - اعىلشىن ءتىلىن بىلەدى. ال مەملەكەتتىك ءتىلدى مەڭگەرگەن وزگە ۇلت وكىلدەرىنىڭ ۇلەسى 45 پايىزدى قۇرايدى»، - دەدى باسقارما باسشىسى گۇلايىم تولەبايەۆا.

 ءتىل ۇيرەتۋ، بالالاردىڭ تانىمدىق قابىلەتىن ارتتىرۋ ماقساتىندا «كۇنشۋاق» بالالار جۋرنالى، «مەن ءۇش تىلدە سويلەيمىن» بالالارعا ارنالعان سوزدىك، «تىلدەردى وقىتۋ: ىزدەنىس جانە ادىستەمە» اقپاراتتىق- ادىستەمەلىك جۋرنالى شىعارىلدى. تاۋەلسىزدىك العان جىلدارى 167 ەلدىمەكەننىڭ 146-سىنا تاريحي اتاۋلارى قايتارىلدى.

اۆتور: التىناي ساعىندىقوۆا